వేయించిన శనగలు శరీరానికి దివ్యౌషధం. వేయించిన శనగలు తినడం వల్ల రోగనిరోధక శక్తి పెరుగుతుంది. మీ రోగనిరోధక వ్యవస్థ మరింత మెరుగవుతుంది. వేయించిన శనగలు గుండెపోటును నివారిస్తుంది. రోజూ వేయించిన శనగలు తినడం వల్ల త్వరగా బరువు తగ్గుతారని, ఆరోగ్య నిపుణులు అంటున్నారు. దీంతో పాటు గుండె ఆరోగ్యం కూడా బాగుంటుంది. నిజానికి, వేయించిన శనగలలో ప్రోటీన్, ఫైబర్, మాంగనీస్, కాల్షియం, ఐరన్, ఫోలేట్, ఫాస్పరస్, ఫ్యాటీ యాసిడ్స్, విటమిన్లు పుష్కలంగా ఉంటాయి. ఈ ముఖ్యమైన పోషకాలన్నీ శరీరానికి అవసరం. వేయించిన శనగలు బరువు తగ్గడానికి చాలా ప్రభావవంతంగా ఉంటాయి. దీన్ని బరువు తగ్గించే ఆహారంలో చేర్చుకోవాలని ఆరోగ్య నిపుణులు కూడా సిఫార్సు చేస్తున్నారు. వేయించిన శనగలు తినడం ద్వారా, మీకు ఎక్కవ సమయం వరకు ఆకలి వేయదు. ఆకలిని మందగిస్తుంది. దీంతో మీ తిండి కంట్రోల్‌ అవుతుంది. బరువు తగ్గడం ప్రారంభిస్తారు. దీంతో పాటు వేయించిన శనగలు కూడా జీర్ణ శక్తిని బలపరుస్తుంది. శనగలలో కొవ్వు, కేలరీలు చాలా తక్కువగా ఉంటాయి. దీనితో పాటు, ప్రోటీన్, ఫైబర్ పుష్కలంగా ఉంటుంది. వేయించిన శనగలలో రాగి, మాంగనీస్, మెగ్నీషియం కూడా పుష్కలంగా ఉంటాయి. ఇది రక్తనాళాలను రిలాక్స్ చేస్తుంది. దీని కారణంగా రక్తపోటు నియంత్రణలో ఉంటుంది. గుండెను అన్ని వ్యాధుల నుండి రక్షించుకోవాలనుకుంటే, ప్రతిరోజూ వేయించిన శనగలు తినండి. దీన్ని తినడం వల్ల మీ గుండె పనితీరు మెరుగ్గా ఉంటుంది. కాల్చిన శనగలలో ఉండే మాంగనీస్, ఫాస్పరస్, ఫోలేట్, కాపర్ రక్త ప్రసరణను నిర్వహిస్తాయి. దీని వల్ల గుండె సంబంధిత వ్యాధుల ముప్పు తగ్గుతుంది.
