బీరులో 4 నుంచి 6 శాతం మాత్రమే ఆల్కహాల్ ఉంటుందని అధ్యయనాలు చెబుతున్నాయి. అంతేకాకుండా బీర్‌లో పొటాషియం, మెగ్నీషియం, కాల్షియం, ఫోలేట్, ఫాస్పరస్ వంటి పోషకాలు కూడా ఉంటాయి. బీర్ తాగడం ఆరోగ్యానికి హానికరమే. కానీ దానిని మితంగా తాగితే మాత్రం ఎన్నో ప్రయోజనాలు పొందవచ్చంటున్నారు బీరు గుండె ఆరోగ్యంగా ఉండటానికి సహాయపడుతుంది. దీన్ని తాగడం వల్ల గుండెపోటు ముప్పు 43 శాతం తగ్గుతుందని నిపుణులు చెబుతున్నారు. ఇది రక్తంలో చక్కెర స్థాయిలను నియంత్రించడంలో సహాయపడుతుంది. అలాగే మధుమేహం అదుపులో ఉంటుందని అధ్యయనాలు సైతం చెబుతున్నాయి. ఈ పానీయం ఆయుష్షును పెంచడానికి కూడా సహాయపడుతుందట. రీసెర్చ్ రిపోర్టుల ప్రకారం ఆయుష్షు 19 శాతం వరకు పెరుగుతుందని పేర్కొంటున్నారు. బీర్ కిడ్నీల ఆరోగ్యాన్ని రక్షిస్తుంది. చాలా మంది కిడ్నీ స్టోన్ సమస్యలతో బాధపడుతుంటారు. అలాంటి వారు బీర్ తాగితే కిడ్నీలో రాళ్లను కరిగించడంలో ఇది సహాయపడుతుంది. అంతే కాకుండా బీర్ తాగడం వల్ల కిడ్నీలో రాళ్లు ఏర్పడే ప్రమాదం చాలా వరకు తగ్గుతుంది. కొలెస్ట్రాల్‌ను నియంత్రించడంలోనూ బీర్ కీలకపాత్ర పోషిస్తుంది. బీర్ శరీరంలో చెడు కొలెస్ట్రాల్ అంటే LDL మొత్తాన్ని తగ్గించడానికి, HDL (మంచి కొలెస్ట్రాల్) స్థాయిని పెంచడానికి సహాయపడుతుంది. కానీ.. గుర్తుందిగా దీన్ని మితంగా సేవిస్తేనే ఈ ప్రయోజనాలన్నీ పొందొచ్చు. బీర్ ఆరోగ్యానికి మంచిదికదా అని బాటిళ్లు ఒకటిదాని తర్వాత ఒకటిగా లాగించేస్తే మొదటికే మోసం వస్తుంది.
