కూరగాయలతో నింపిన ఆమ్లెట్లలో ఫైబర్ పుష్కలంగా ఉంటుంది. ఆరోగ్యకరమైన జీర్ణవ్యవస్థను నిర్వహించడానికి ఫైబర్ చాలా అవసరం. ఇది కొలెస్ట్రాల్ స్థాయిలను తగ్గించడంలో కూడా సహాయపడుతుంది. ఐరన్ ఎర్ర రక్త కణాలను ఉత్పత్తి చేయడానికి, శరీరం అంతటా ఆక్సిజన్‌ను రవాణా చేయడానికి ఒక ముఖ్యమైన ఖనిజం. ఐరన్‌కి పుష్కలంగా ఉండే పాలకూరతో నింపిన ఆమ్లెట్‌లు ఐరన్ స్థాయిలను పెంచడంలో సహాయపడతాయి. ఆమ్లెట్లలో విటమిన్ సి కూడా ఉంటుంది. ఇది రోగనిరోధక వ్యవస్థకు మేలు చేస్తుంది. విటమిన్ సి యాంటీఆక్సిడెంట్‌గా కూడా పనిచేస్తుంది, ఫ్రీ రాడికల్స్ వల్ల కలిగే నష్టం నుంచి ఇది కణాలను రక్షిస్తుంది. గుడ్లలో గుండె ఆరోగ్యానికి ముఖ్యమైన మోనోఅన్‌శాచురేటెడ్, పాలీఅన్‌శాచురేటెడ్ కొవ్వులతో సహా ఆరోగ్యకరమైన కొవ్వులను కలిగి ఉంటాయి. ఆమ్లెట్లలో ఉండే ఈ ఆరోగ్యకరమైన కొవ్వులు గుండె జబ్బుల ప్రమాదాన్ని తగ్గించడంలో సహాయపడతాయి. ఉడికించిన గుడ్లు, ఆమ్లెట్‌లు రెండూ వాటి ప్రత్యేకమైన పోషక ప్రయోజనాలను కలిగి ఉంటాయి. ఉడికించిన గుడ్లలో ప్రోటీన్, విటమిన్ డి, కోలిన్ లు ఉంటాయి. అయితే ఆమ్లెట్లలో ఫైబర్, ఐరన్, విటమిన్ సి, ఆరోగ్యకరమైన కొవ్వులు పుష్కలంగా ఉంటాయి. ఫైనల్ గా వీటిలో ఏది ఆరోగ్యానికి మంచిదన్న విషయానికొస్తే అది నిర్దిష్ట ఆహార అవసరాలు, ప్రాధాన్యతలపై ఆధారపడి ఉంటుంది. శరీరానికి ప్రోటీన్ తీసుకోవడం అవసరమైట్లయితే లేదా ఉదయం సమయం లేకపోతే ఉడికించిన గుడ్లు మీకు ఉత్తమ ఎంపిక కావచ్చు. వివిధ రకాల పోషకాలతో నిండిన, చక్కగా ఉండే అల్పాహారం కావాలనుకుంటే, ఆమ్లెట్‌లు తీసుకోవడం చాలా మంచిది.
No comments:
Post a Comment