రాజస్థాన్ లోని జోధాపూర్, బనార్ ప్రాంతంలో ఇద్దరు పాఠశాల విద్యార్థులు తమను వెంబడిస్తున్న కుక్కల నుండి తప్పించుకోవడానికి పరిగెత్తుతుండగా గూడ్స్ రైలు ఢీకొని మృతి చెందినట్లు పోలీసులు తెలిపారు. బంధువులైన పిల్లలిద్దరూ పాఠశాల నుండి తిరిగి వస్తుండగా మార్గమధ్యంలో ఒక ఇంటి నుండి కొన్ని పెంపుడు కుక్కలు వారిని వెంబడించడం ప్రారంభించాయి. భయంతో పిల్లలు పరుగులు తీస్తూ రైల్వే ట్రాక్‌లను ఎక్కారు అదే సమయంలో గూడ్స్ రావడంతో రైలు ఢీకొని ఇద్దరు చనిపోయినట్లు పోలీసులు తెలిపారు. డాగ్ స్క్వాడ్ ద్వారా పెంపుడు జంతువులను వెంటనే పట్టుకోవాలని డిమాండ్ చేయడంతో పాటు పిల్లల కుటుంబ సభ్యులు మృతదేహాలను స్వీకరించడానికి నిరాకరించారు. ఈ ఘటనపై సమాచారం అందుకున్న పోలీసు బృందం జోధ్‌పూర్ మున్సిపల్ కార్పొరేషన్ (సౌత్) డాగ్ స్క్వాడ్‌ను పిలిపించింది. డాగ్ స్క్వాడ్ పెంపుడు జంతువులను స్వాధీనం చేసుకున్న తరువాత, కుటుంబ సభ్యులు మృతదేహాలను స్వీకరించారు.
