దక్షిణ రాజస్థాన్, ఉత్తర గుజరాత్ పరిసర ప్రాంతాల్లో కొన్ని చోట్ల భారీ వర్షాలు కురిసే అవకాశం ఉందని ఐఎండీ తెలిపింది. బిపార్జోయ్ తుఫాను ప్రస్తుతం బలహీనపడి తూర్పు-ఈశాన్య దిశగా కదులుతోందని భారత వాతావరణ శాఖ డైరెక్టర్ జనరల్ డాక్టర్ మృత్యుంజయ్ మహపాత్ర తెలిపారు. దక్షిణ రాజస్థాన్, ఉత్తర గుజరాత్‌లోని పరిసర ప్రాంతాల్లో ఒకటి రెండు చోట్ల భారీ వర్షాలు కురిసే అవకాశం ఉందని తెలిపారు. తుపాను ప్రభావంతో గుజరాత్, రాజస్థాన్‌లలో మాత్రమే వర్షాలు కురుస్తున్నాయని తెలిపారు. ఈ తుఫాన్‌తో రుతుపవనాలకు ఎలాంటి సంబంధం లేదని డాక్టర్ మృత్యుంజయ్ మహపాత్ర తెలిపారు. జూన్ 16న ఆగ్నేయ పాకిస్థాన్‌, దానికి ఆనుకుని ఉన్న నైరుతి రాజస్థాన్, కచ్‌ మీదుగా ఏర్పడిన తుఫాను తీవ్ర అల్పపీడనంగా బలహీనపడిందని తెలిపారు. దీని ప్రభావంతో కొన్ని చోట్ల భారీ వర్షాలు కురిసే అవకాశం ఉందని తెలిపారు. తుపాను ప్రభావంతో గుజరాత్, రాజస్థాన్‌లలో మాత్రమే వర్షాలు కురుస్తున్నాయి. శనివారం ఉదయం కూడా రాజస్థాన్‌లో భారీ వర్షం కురిసింది. వాతావరణ శాఖ శనివారం బార్మర్, జలోర్, సిరోహి, పాలిలో ఆరెంజ్ అలర్ట్ ప్రకటించింది. ఇది కాకుండా బార్మర్ మీదుగా వెళ్లే 14 రైళ్లను రద్దు చేశారు. ఉదయ్‌పూర్‌ నుంచి ఢిల్లీ, ముంబైకి వెళ్లే రెండు విమానాలు కూడా రద్దు చేయబడ్డాయి. అదే సమయంలో, పాకిస్తాన్ సరిహద్దులోని బార్మర్‌లోని 5 గ్రామాల నుండి 5,000 మందికి పైగా ప్రజలను సురక్షిత ప్రాంతాలకు తరలించారు.
