తెలంగాణ వ్యాప్తంగా జిల్లాకో మెడికల్ కాలేజీ ఏర్పాటు చేస్తున్నామని మంత్రి కేటీఆర్‌ ప్రకటన చేశారు. దేశం లోని మొట్ట మొదటిసారిగా మహిళా యూనివర్సిటీ ఏర్పాటుకు శ్రీకారం చుట్టారని ఆయన వెల్లడించారు. అందుకోసం ఈ బడ్జెట్ లో రూ. 100 కోట్లు కేటాయించారని గుర్తు చేశారు కేటీఆర్‌. తెలంగాణ లో ఆడపిల్ల పుడితే అదృష్ట లక్ష్మి పుట్టింది అనే సంబర పడే రోజులు వచ్చాయన్నారు. తెలంగాణ ఏర్పడ్డ తర్వాత మాతా శిశు మరణాల సంఖ్య గణనీయంగా తగ్గిందని పేర్కొన్నారు. అప్పుడే పుట్టిన శిశువుల కోసం ఇప్పటి వరకు 11 లక్షల కేసీఆర్ కిట్లు ఇస్తున్నామని, మహిళ ల రక్షణ కోసం షీ టీమ్స్, భరోసా కేంద్రాలు ఏర్పాటు చేసామని స్పస్టం చేశారు. ఔత్సాహిక మహిళా పారిశ్రామిక వేత్తలు ఏర్పాటు చేసేందుకు వీ-హబ్ ఏర్పాటు చేసామని మంత్రి కేటీఆర్‌ గుర్తు చేశారు. నిన్న ప్రవేశ పెట్టిన బడ్జెట్ లో పటాన్ చెరు లో 350 పడకల ఆసుపత్రి కి నిధులు కేటాయించామని వెల్లడించారు.
