ప్రముఖ డైరెక్టర్ వినోద్ కాప్డీ షేర్ చేసిన వీడియోపై పలువురు స్పందిస్తున్నారు. ప్రదీప్ మెహ్రాకు తోడ్పాటు అందించడానికి సిద్ధమంటున్నారు. తాజాగా ఉత్తర్ప్రదేశ్ నొయిడా కలెక్టర్ కూడా ముందుకొచ్చారు. ప్రదీప్ తల్లికి వైద్యం తగిన ఆర్థిక సాయం సహా ఆర్మీలో చేరేందుకు శిక్షణ ఇప్పిస్తానని కలెక్టర్ హామీ ఇచ్చినట్లు మెహ్రా మీడియాకు తెలిపారు. ''నేను ఈరోజు నొయిడా జిల్లా కలెక్టర్ను కలిశా. మా అమ్మకు చికిత్స సహా ఆర్థిక సాయం, ఆర్మీలో చేరేందుకు శిక్షణ ఇప్పిస్తానని నాకు ఆయన చెప్పారు. ప్రస్తుతానికి మెక్డొనాల్డ్స్లో నా పని కొనసాగిస్తా. ఇప్పుడు శిక్షణ కోసం నాకు ఎక్కువ సమయం దొరుకుతుంది. అందరూ సాయం చేస్తామని ముందుకు వస్తుండటం నాకు సంతోషంగా ఉంది.'' అని ప్రదీప్ అన్నాడు. ప్రదీప్ కెరీర్ను ఉన్నతంగా తీర్చిదిద్దడానికి అన్నివిధాలా సహకరిస్తానని అంటున్నారు నొయిడా కలెక్టర్ సుహాస్. ఏం కావాలో ఎంచుకోవాలని అతడిని అడిగినట్లు చెప్పారు. ప్రదీప్ మెహ్రా ఎందరికో ప్రేరణ కలిగిస్తున్నాడని, తాను కూడా అతడికి పెద్ద అభిమానిగా మారినట్లు చెప్పారు. 'ప్రదీప్ తల్లికి చికిత్స కోసం మేం ఇప్పటికే నొయిడా మెడికల్ కాలేజీతో మాట్లాడాం. కానీ.. ఎక్కడ చికిత్స అందించాలనేది ప్రదీప్ నిర్ణయంపైనే ఆధారపడి ఉంటుంది. ఏం కావాలో, ఏం చేయాలనుకుంటున్నాడో అన్నీ అడిగా' అని కలెక్టర్ సుహాస్ పేర్కొన్నారు.
Post a Comment
0Comments
3/related/default