ప్రభుత్వ కార్యాలయాల్లో లేదా సమావేశాలు జరిగేటప్పుడు..అల్పాహారంగా సమోసాలు, కచోరీ లేదా పకోడీ లేదా జిలేబీ వంటి వాటిని పెడుతుంటారు. ఒక్కోసారి ఈ అల్పాహారాలకే ప్రభుత్వాలు వందల, వేల కోట్ల రూపాయలు ఖర్చు చేస్తుంటాయి కూడా. అయితే ప్రభుత్వ సమావేశాల్లో అందించే అల్పాహారంపై రాజస్తాన్ ప్రభుత్వం కీలక నిర్ణయం తీసుకుంది. ప్రభుత్వ సమావేశాల్లో లభించే చిరుతిళ్ల మెనూని భజన్ లాల్ ప్రభుత్వం మార్చింది. ఇందుకోసం శాఖాపరమైన సర్క్యులర్‌ జారీ చేయగా అది ఇప్పుడు వైరల్‌ అవుతోంది. సోషల్ మీడియాలో ఈ కొత్త మెనూ చర్చనీయాంశమైంది. వేయించిన ఆహార పదార్థాల వల్ల ప్రభుత్వ ఉద్యోగుల ఆరోగ్యం దెబ్బతింటోంది. ఈ కారణంగా మెనూ మార్చబడింది. ఇప్పుడు కాల్చిన శనగలు, కాల్చిన వేరుశెనగలు, మఖానా, బహుళ ధాన్యాల డైజెస్టివ్ బిస్కెట్లు సమావేశాలలో అందించబడతాయి. ఉద్యోగుల ఆరోగ్యాన్ని దృష్టిలో ఉంచుకుని ఈ మెనూ రూపొందించబడింది. ఈ మేరకు ఉత్తర్వులు జారీ అయ్యాయి.
