ఆంధ్రప్రదేశ్ లోని విశాఖపట్నం వన్‌టౌన్‌ పోలీస్‌ స్టేషన్‌ పరిధిలో మద్యం, గంజాయి మత్తులో విచక్షణారహితంగా ఓ గ్యాంగ్‌ ప్రవర్తించింది. మహిళపై దాడి చేసి దుస్తులు చించివేసింది. స్థానిక రంగిరీజు వీధికి చెందిన ఓ కుటుంబం రాత్రి 9:30 గంటల సమయంలో ఓ ఫంక్షన్‌ నుంచి ఇంటికి తిరిగి వెళ్తున్న క్రమంలో వారిని అడ్డుకుని ఓ మహిళ పట్ల అసభ్యకరమైన రీతిలో ప్రవర్తించారు. భర్త, సోదరుడి కళ్లు ముందే ఆకతాయిలు ఇష్టంవచ్చినట్టు ప్రవర్తించారు. ఈ ఘటనను జీర్ణించుకోలేని భర్త, సోదరుడు.. మత్తు బాబులను అడ్డుకునే ప్రయత్నం చేయగా వారిపై కూడా దాడి చేసి, పిడి గుద్దులతో విరిచుకుపడి తీవ్రంగా గాయపరిచారు.. అయితే, ఈ ఘటనపై పోలీసులకు బాధితురాలు ఫిర్యాదు చేసింది. దీంతో కేసు నమోదు చేసిన వన్‌టౌన్‌ పోలీసులు, దర్యాప్తు చేపట్టారు.
