తమిళనాడు లోని పుదుక్కొట్టై జిల్లా, తిరుమయం సమీపంలోని మేల దూర్వాసపురానికి చెందిన పాండియన్‌ (37) భార్య అలగు (33) బుధవారం తన ఇంటి సమీపంలో ఉన్న కట్టెలను పేరుస్తుండగా ఓ కొండచిలువ ఆమెను కాటు వేసింది. దీంతో పరిగెత్తుకుంటూ వెళ్లి భర్త పాండియన్‌కు తెలిపింది. అతను ఆ కొండచిలువను పట్టుకుని గోనె సంచిలో వేసుకుని ప్రభుత్వ ఆస్పత్రికి వెళ్లి వైద్యులకు చూపించి తన భార్యకు చికిత్స చేయమని కోరాడు. అటవీశాఖ సిబ్బంది అక్కడకు చేరుకుని కొండచిలువ కాటు వల్ల అలగుకు ప్రమాదం ఉండదని తెలిపారు. అనంతరం కొండచిలువను అడవిలో వదిలిపెట్టారు.
