ఢిల్లీ మరియు చుట్టుపక్కల కోవిడ్-19 కేసులు పెరుగుతున్ననేపథ్యంలో ఢిల్లీ ప్రభుత్వం ఆంక్షలు పెట్టింది. బహిరంగ ప్రదేశాల్లో మాస్క్‌లు ధరించడం తప్పనిసరి చేసింది. ఉల్లంఘించిన వారికి రూ. 500 జరిమానా విధించింది.ఢిల్లీ డిజాస్టర్ మేనేజ్‌మెంట్ అథారిటీ (డిడిఎంఎ) సమావేశంలో ఆ మేరకు నిర్ణయం తీసుకున్నట్లు ఎన్‌డిటివి నివేదిక పేర్కొంది. దేశ రాజధానిలో టీకా వేగాన్ని పెంచే అవకాశం ఉందని, పాఠశాలలను మూసివేయకూడదని నిర్ణయించుకుంది, అనిపుణులతో సంప్రదించి ప్రత్యేక ప్రామాణిక ఆపరేటింగ్ విధానాన్ని రూపొందించాలని నిర్ణయించుకుంది. మాస్క్‌ల తప్పనిసరి వినియోగానికి సంబంధించి ప్రభుత్వం త్వరలో అధికారిక ఉత్తర్వులు జారీ చేయనుంది. దేశ రాజధానిలో గత కొద్ది రోజులుగా కోవిడ్ కేసులు పెరుగుతున్నాయి.
