కోడి గుడ్డు కూర వండలేదని ఆత్మహత్య! - తెలుగు లో ఇంటర్నెట్ : UPDATE NEWS

Breaking

Ad

Post Top Ad

TELUGU LO COMPUTER NEWS

Visit telugulocomputer.blogspot.com!

Post Top Ad

adg

Thursday, 10 March 2022

కోడి గుడ్డు కూర వండలేదని ఆత్మహత్య!


తెలంగాణ రాష్ట్రం లోని మెదక్ జిల్లా మనోహరాబాద్‌ మండలంలోని రంగాయపల్లిలో మంగళవారం రాత్రి భోజనంలోకి కోడి గుడ్డు కూర చేయలేదని తల్లిపై కోపంతో ఓ యువకుడు ఉరి వేసుకుని ఆత్మహత్య చేసుకున్నాడు. గ్రామానికి చెందిన మస్కూరి నర్సింలు, సుశీల దంపతులకు ఇద్దరు కొడుకులు. అందులో చిన్న కొడుకు మములేశ్‌ (19) ఇటీవల రోడ్డు ప్రమాదం బారిన పడగా భుజానికి గాయమైంది. దీంతో కొన్ని రోజులుగా ఏ పనీ చేయకుండా ఇంట్లోనే ఉంటున్నాడు. ఈ క్రమంలో మంగళవారం రాత్రి మములేశ్‌ తల్లి సుశీలను కోడిగుడ్డు కూర వండాలని కోరాడు. ఇంట్లో గుడ్లు లేవని ఇప్పుడు వండలేనని అమె చెప్పడంతో తల్లితో కొట్లాట పెట్టుకున్నాడు. ఆ తర్వాత ఇంట్లో నుంచి వెళ్లిపోయాడు. ఎంతకూ ఇంటికి రాకపోవడంతో తల్లిదండ్రులు గ్రామంలో అన్ని చోట్లా వెదికినా ఆచూకీ దొరకలేదు. బుధవారం ఉదయం గ్రామ సమీపంలోని మహంకాళి దేవాలయం దగ్గర పొలంలో చెట్టుకు కరెంటు తీగతో ఉరి వేసుకుని ఆత్మహత్యకు పాల్పడినట్లు గుర్తించారు. ఈ మేరకు తండ్రి నర్సింలు ఇచ్చిన ఫిర్యాదు మేరకు కేసు నమోదు చేసుకుని.. మృతదేహాన్ని పోస్టుమార్టం నిమిత్తం తూప్రాన్‌ ప్రభుత్వాసుపత్రికి తరలించినట్లు మనోహరాబాద్‌ ఎస్‌ఐ రాజుగౌడ్‌ చెప్పారు.


No comments:

Post a Comment