రేపటి నుంచి టీకా ప్రక్రియ ప్రారంభం కానుంది. రిజిస్ట్రేషన్ చేసుకున్న వారికి రేపటి నుంచి వ్యాక్సినేషన్ ఇవ్వనున్నారు వైద్య సిబ్బంది. ప్రస్తుతం 12-14 ఏళ్ల వారికి హైదరాబాద్ కేంద్రంగా పని చేస్తున్న బయోలాజికల్ ఈ లిమిటెడ్ అభివృద్ధి చేసిన కార్బెవాక్స్. ప్రస్తుతానికి దీనిని మాత్రమే చిన్నారులకు ఇచ్చేందుకు అనుమతి ఉంది. సాధారణంగా అందరికీ రిజిస్ట్రేషన్ చేసినట్లుగానే పిల్లకు కూడా కొవిన్ ద్వారా రిజిస్ట్రేషన్ చేయాలి. ముందుగా కొవిడ్ యాప్ లేదా పోర్టల్లోకి వెళ్లి ఫోన్ నంబర్ ఎంటర్ చేయాలి. పిల్లలు కాబట్టి తల్లిదండ్రులు లేదా సంరక్షకుడి నంబర్ను వినియోగించుకోవచ్చు. ఒకే నంబర్పై నలుగురికి రిజిస్ట్రేషన్ చేసే వీలుంది. కాబట్టి ఇప్పటికే ఒకే నంబర్పై భార్యా, భర్తలు టీకా రిజిస్ట్రేషన్ చేసుకున్నా అదే నంబర్ను మరో ఇద్దరికి వినియోగించే వీలుంది. ముందుగా మొబైల్ నంబర్ ఇవ్వడం ద్వారా ఓటీపీ వస్తుంది. ఓటీపీ ధృవీకరిస్తే రిజిస్ట్రేషన్ పేజీ ఓపెన్ అవుతుంది. పూర్తి పేరు, పుట్టిన తేదీ, ఆధార్ నంబర్ వంటి వివరాలను ఇవ్వడం ద్వారా రిజిస్ట్రేషన్ పూర్తి చేయొచ్చు. ఆన్లైన్లో రిజిస్ట్రేషన్ చేసుకోవడం తెలియని వారు నేరుగా.. వ్యాక్సినేషన్ సెంటర్ల వద్ద కూడా రిజిస్ట్రేషన్ చేసుకునే వీలుంది. రిజిస్ట్రేషన్ చేసుకున్న తర్వాత అనుకూలమైన సమయంలో స్లాట్ బుక్ చేసుకుని టీకా తీసుకోవచ్చు.
