కొబ్బరిని వివిధ రకాల ఆహార పదార్థాలు తయారు చేయడానికి కానీ, తినడానికి కూడా ఉపయోగిస్తారు. పచ్చి కొబ్బరి తినడం వల్ల ఆరోగ్య పరంగా, చర్మ పరంగా అనేక ప్రయోజనాలు ఉన్నాయి. అలాగే ఎండు కొబ్బరితో కూడా మంచి ఆరోగ్య ప్రయోజనాలు ఉన్నాయని నిపుణులు చెబుతున్నారు. ప్రతి రోజు చిన్న ముక్క ఎండు కొబ్బరి తింటే.. శరీరానికి అనేక లాభాలు జరుగుతాయి. అందులోనూ చలి కాలంలో ఎండు కొబ్బరి తింటే బెనిఫిట్స్ ఉన్నాయని ఆరోగ్య నిపుణులు అంటున్నారు. ఇందులో ఉండే గుణాలు.. శరీరంలో రోగ నిరోధక శక్తిని పెంచుతాయి. అంతే కాకుండా చలి తీవ్రత నుంచి వచ్చే రకరకాల ఇన్ ఫెక్షన్లు కూడా తగ్గుతాయి. ఎండు కొబ్బరిలో ఫైబర్, కాపర్, మాంగనీస్ వంటివి శరీరానికి అవసరమైన అనేక పోషకాలు ఉంటాయి. వీటిని ఆహారంతో పాటు తీసుకుంటే మతి మరుపు రాకుండా ఉంటుంది. జ్ఞాపక శక్తి మెరుగు పడుతుంది. చిన్న పిల్లలకు దీన్ని ప్రతి రోజూ ఇస్తే వారికి మెమరీ పవర్ పెరుగుతుందని నిపుణులు అంటున్నారు. రక్త హీనతతో బాధ పడేవారు సైతం ప్రతి రోజూ ఎండు కొబ్బరి తింటే.. ఆ సమస్య నుంచి బయట పడొచ్చు. ఐరన్ లోపం సమస్యల నుంచి కూడా సులభంగా ఉపశమనం కలిగిస్తాయి. మహిళలు ఎండు కొబ్బరిని తినడం వల్ల.. ఎక్కువ లాభాలు కలుగుతాయని నిపుణులు చెబుతున్నారు. అంతే కాకుండా ఇందులో ఉండే ఫైబర్ ఇతర పోషకాలు.. ఎముకల దృఢత్వాన్ని కూడా పెంచుతుంది. అంతే కాకుండా జీర్ణ క్రియ సమస్యలను కూడా దూరం చేస్తుంది.
