మిజోరాంలోని చంపాయ్ జిల్లా హ్రువైకాన్ గ్రామంలో లాల్రింగ్‌థరా ఉంటాడు. చదువుకి వయస్సు అడ్డంకి కాదని నిరూపించాడు. రాష్ట్రీయ మాధ్యమిక శిక్షా అభియాన్ ఉన్నత పాఠశాలలో 9 వ తరగతిలో చేరాడు. చదుకోవాలనే తన చిరకాల వాంఛను నెరవేర్చుకోవడానికి అతను యూనిఫాం ధరించి, పుస్తకాల బ్యాగుతో రోజుకి మూడు కిలోమీటర్లు ప్రయాణం చేసి వెళ్తున్నాడు. టెలివిజన్‌లో వచ్చే వార్తలను అర్ధం చేసుకోవడానికి, అప్లికేషన్ రాయడానికి లాల్రింగ్‌థరా చదువుకోవాలని నిర్ణయించుకున్నాడట. ఇండో-మయన్మార్ సరిహద్దు సమీపంలోని ఖువాంగ్ లెంగ్ గ్రామంలో 1945 లో జన్మించిన లాల్రింగ్‌థరా జీవితంలో ఎన్నో సవాళ్లను ఎదుర్కున్నాడట. తన తండ్రి అకాల మరణంతో 2 వ తరగతి తర్వాత స్కూలుకి వెళ్లలేకపోయాడట. తల్లికి సాయంగా ఝమ్ పొలాల్లో సాయం చేస్తూ కుటుంబాన్ని పోషించడం మొదలుపెట్టాడట. ఇప్పటికి తను విద్యను పూర్తి చేయాలనే కల స్కూల్లో చేరేలా ప్రేరేపించిందట. చదువుపట్ల అతనికి ఉన్న అంకిత భావాన్ని, సంకల్పాన్ని అందరూ అభినందిస్తున్నారు.
