కేంద్ర గృహ నిర్మాణ, పట్టణ వ్యవహారాల మంత్రిత్వ శాఖ సహకారంతో నిర్మిస్తున్న ఫుడ్స్ట్రీట్లపై కేంద్ర ఆరోగ్య శాఖ మంత్రి మన్సుఖ్ మాండవీయ సమీక్ష నిర్వహించారు. ఈ సందర్భంగా మాట్లాడుతూ దేశవ్యాప్తంగా వంద జిల్లాల్లో వంద ఫుడ్ స్ట్రీట్లను ఏర్పాటు చేయాలని నిర్ణయించినట్లు, ఒక్కో ఫుడ్ స్ట్రీట్కు కోటి రూపాయల ఆర్థిక సాయం అందించనున్నట్టు ఆయన తెలిపారు. ఇప్పటి వరకు జరిగిన పనుల అభివృద్ధిపై ఆరా తీశారు. పరిశుభ్రమైన, సురక్షితమైన ఆహార పద్ధతుల ను ప్రోత్సహించడానికే కేంద్రం ఈ ఫుడ్స్ట్రీట్ను ఏర్పాటు చేస్తున్నట్లు వివరించారు. వీటి ఏర్పాటుపై కేంద్ర ఆరోగ్య శాఖ సెక్రటరీ రాజేశ్భూషణ్, కేంద్ర గృహ నిర్మాణ, పట్టణ వ్యవహారాల మంత్రిత్వ శాఖ సెక్రటరీ మనోజ్ జోషి రాష్ట్రాలు, కేంద్ర పాలిత ప్రాంతాలకు పైలట్ ప్రాజెక్టుకు సంబంధించి లేఖ రాశారు.
No comments:
Post a Comment