సోనూసూద్ తన ట్విటర్ ఖాతాలో రైలు ప్రయాణం చేస్తోన్న వీడియోను షేర్ చేశారు. అందులో ఆయన డోరు దగ్గర ఫుట్బోర్డ్పై కూర్చొని బయటికి చూస్తూ కనిపించారు. ఆయన తీరును పలువురు ఖండించారు. దీనిపై నార్తన్ రైల్వే స్పందించింది. 'సోనూసూద్, ఈ దేశంతో పాటు ప్రపంచవ్యాప్తంగా ఎంతోమంది మిమ్మల్ని అభిమానిస్తున్నారు. వారికి మీరు రోల్మోడల్. రైలు మెట్ల దగ్గర కూర్చొని ప్రయాణించడం ప్రమాదకరం. ఈ తరహా వీడియో మీ అభిమానులకు తప్పుడు సందేశాన్ని పంపుతుంది. ఇలాంటివి చేయకండి' అంటూ కాస్త ఘాటుగానే హెచ్చరించింది. సోనూ డిసెంబర్ 13న ఈ వీడియో షేర్ చేయగా, ఇప్పటికే ముంబయి రైల్వే పోలీసు కమిషనరేట్ కూడా దీనిని తప్పుపట్టింది. నిజజీవితంలో ఇలాంటి స్టంట్లు చేయొద్దని గట్టిగానే సూచించింది. ఈ విమర్శలపై తాజాగా సోనూ క్షమాణలు తెలియజేశారు. 'రైలు డోరువద్దే మగ్గిపోతున్న పేదల జీవితాలను అర్థం చేసుకునేందుకు నేను అక్కడ కూర్చుకున్నాను. రైల్వే వ్యవస్థ పనితీరు మెరుగుపరిచినందుకు ధన్యవాదాలు' అని ట్వీట్ చేశారు.
రైలు డోరువద్దే పేదల జీవితాలు మగ్గిపోతున్నాయి.....!
January 05, 2023
0
Tags