పశ్చిమ బెంగాల్‌ లోని సిలిగురిలో రాంప్రసాద్ సాహా మాదకద్రవ్య వినియోగానికి వ్యసనపరుడు. ఇందుకోసం క్రమం తప్పకుండా అడవికి వెళ్తుంటాడు. తన స్నేహితులు సుబ్రతా దాస్ (22), అజయ్ రాయ్ (24)తో కలిసి సాహా సోమవారం అడవికి వెళ్లాడు. వీరిద్దరు కూడా మాదకద్రవ్యాలకు బానిసలే. ముగ్గురు కలిసి డ్రగ్స్ తీసుకున్నారు. అధిక స్థాయిలో ఉన్న సాహా.. తనకు మరింత డ్రగ్స్ కావాలని, తనకు 10 రూపాయలు ఇవ్వమని సుబ్రతాను అడిగాడు. ఇద్దరి మధ్య వెంటనే గొడవ జరిగి సాహాను సుబ్రత రాయితో కొట్టి చంపాడని పోలీసులు తెలిపారు. సిలిగురి మెట్రో పోలీస్‌లోని అషిఘర్ ఔట్‌పోస్ట్ అధికారులు బుధవారం రాత్రి సుబ్రతను, అజయ్‌ను అరెస్టు చేశారు.
