కాంగ్రెస్ నాయకుడు రాహుల్ గాంధీని చంపుతానని బెదిరిస్తూ లేఖ రాసిన దయా అకా ప్యారే అకా నరేంద్ర సింగ్‌ని మధ్యప్రదేశ్‌లోని ఉజ్జయినిలో పోలీసులు అరెస్టు చేశారు. ఉజ్జయిని జిల్లాలోని నగ్డా ప్రాంతంలో అతడిని అరెస్ట్ చేసి ఇండోర్ పోలీసులకు అప్పగించారు. రాహుల్ గాంధీ తన భారత్ జోడో యాత్ర కోసం ఇండోర్‌కు రాగానే బాంబు పేలుస్తానని బెదిరిస్తూ లేఖ రాశారని పోలీసులు చెప్పారు. పోలీసులు 200 సీసీటీవీ ఫుటేజీలను తనిఖీ చేశారు. ఉజ్జయిని నగరంలోని హోటళ్లు, లాడ్జీలు, రైల్వే స్టేషన్లపై పోలీసులు దాడులు చేశారు. నిందితుడు ఉత్తరప్రదేశ్‌లోని రాయబరేలీకి చెందినవాడని పోలీసులు చెప్పారు. నిందితుడు నరేంద్రసింగ్ గతంలో కూడా పలువురికి లేఖలు, ఫోన్ కాల్స్ ద్వారా పలువురిని బెదిరించినట్లు పోలీసులు తెలిపారు.గతంలో నిందితుడు ఇండోర్‌లోని ఖల్సా స్టేడియంలో కాంగ్రెస్ ఈవెంట్ కార్యక్రమంలో హాజరయ్యాడని, ఆ సమయంలో అక్కడ మధ్యప్రదేశ్ రాష్ట్ర మాజీ ముఖ్యమంత్రి కమల్ నాథ్ కూడా ఉన్నారని పోలీసులు వివరించారు.
No comments:
Post a Comment