పొత్తి కడుపులో 158 మెటల్ వస్తువులు !

Telugu Lo Computer
0


టర్కీలోని తూర్పు వాన్ ప్రావిన్స్‌లో 24 ఏళ్ల యువతి పొత్తికడుపు నొప్పితో వాన్ ట్రైనింగ్ అండ్ రీసెర్చ్ హాస్పిటల్‌కు వచ్చింది. టెస్టుల నివేదికలు చూసిన అనంతరం ఆమె కడుపులో ఏవో వస్తువులు ఉందని గుర్తించి డాక్టర్లు శస్త్రచికిత్స చేశారు. అయితే ఆపరేషన్ చేస్తున్న క్రమంలో డాక్టర్లు, నర్సింగ్ స్టాఫ్ కంగుతిన్నారు. ఎందుకంటే ఆమె కడుపులో గోర్లు, సూదితో సహా 158 మెటల్ వస్తువులు కనిపించాయి. వాటన్నింటిని జాగ్రత్తగా తొలగించారు. రెండున్నర గంటల పాటు జరిగిన శస్త్రచికిత్సలో నెయిల్ క్లిప్పర్స్, పాకెట్ నైఫ్, పండ్ల కత్తి, పట్టకార్లు, గోర్లు, సూదులు, స్క్రూలు, తాళం చెవులు సహా 158 వస్తువులు బయటకు తీశారు. సర్జరీ చేసిన జనరల్ సర్జన్ డాక్టర్ యూసుఫ్ టెకేస్ మాట్లాడుతూ.. మొదట ఎండోస్కోపీతో కడుపులోని వస్తువులను తొలగించాలనుకున్నట్లు తెలిపారు. కానీ ఎక్స్‌రే రిపోర్ట్‌లో చాలా వస్తువులు కనిపించడంతో ఆపరేషన్ చేసినట్లు వెల్లడించారు. కానీ శస్త్రచికిత్స సమయంలో లోపల వస్తువులను చూసి తామంతా షాక్ తిన్నట్లు తెలిపారు. వివిధ పరిమాణాలలో 158 వస్తువులు ఉన్నాయని… వాటన్నింటినీ తొలగించినట్లు వివరించారు. ప్రస్తుతం రోగి ఆరోగ్యం మెరుగ్గా ఉందని.. ఆస్పత్రి నుంచి డిశ్చార్జ్ చేసినట్లు యూసుఫ్ టెకేస్ వెల్లడించారు. 

Post a Comment

0Comments

Post a Comment (0)