కోల్‌కతాలోని రద్దీగా ఉండే టాంగ్రా ప్రాంతంలో శనివారం సాయంత్రం చర్మశుద్ధి కర్మాగారంలో భారీ అగ్నిప్రమాదం సంభవించిందని అగ్నిమాపక శాఖ సీనియర్ అధికారి తెలిపారు. దాదాపు 20 ఫైర్ ఇంజన్లు మంటలను ఆర్పేందుకు నిరంతరం ప్రయత్నిస్తున్నాయి. గత 16 గంటలుగా మంటలు చెలరేగుతున్నాయి. డివిజనల్ ఫైర్ ఆఫీసర్ దేబ్తాను ఘోష్ మాట్లాడుతూ.. "12 గంటల తర్వాత కూడా మంటలు పూర్తిగా అదుపులోకి రాలేదు, ఎందుకంటే గోడౌన్‌లో కొన్ని అత్యంత మండే పదార్థాలు ఉన్నాయి. మేము లోపలికి ప్రవేశించలేకపోయాము. మంటలు ఆర్పేందుకు ప్రయత్నిస్తున్న సమయంలో ముగ్గురు అగ్నిమాపక దళ సిబ్బంది గాయపడ్డారు." అని చెప్పారు శనివారం సాయంత్రం 6:30 గంటల సమయంలో చర్మకారుల కర్మాగారంలో మంటలు చెలరేగడంతో మంటలను ఆర్పేందుకు మొత్తం 15 ఫైర్ ఇంజన్లు సంఘటనా స్థలంలో ఉన్నాయి. అగ్నిమాపక, అత్యవసర సేవల శాఖ మంత్రి సుజిత్ బోస్ ఘటనాస్థలికి చేరుకుని సహాయక చర్యలను పర్యవేక్షించారు. "మా అధికారులు మంటలను ఆర్పేందుకు ప్రయత్నిస్తున్నారు. ఇది రద్దీగా ఉండే ప్రాంతం. ఇరుకైన మార్గాల్లోకి ఫైర్ టెండర్లు ప్రవేశించడం చాలా కష్టం. అయినప్పటికీ, వారు తమ వంతు ప్రయత్నం చేస్తున్నారు" అని బోస్ చెప్పారు. పశ్చిమ బెంగాల్ ముఖ్యమంత్రి మమతా బెనర్జీ బోస్‌కు ఫోన్ చేసి పరిస్థితిని అడిగి తెలుసుకున్నారు. స్థానిక తృణమూల్ కాంగ్రెస్ ఎంపీ సుదీప్ బందోపాధ్యాయ కూడా ఘటనా స్థలాన్ని సందర్శించారు.
