బోన్ సూప్ - ప్రయోజనాలు

మటన్ ఎముకలతో సూప్ చేసుకుని తాగితే శరీరానికి ఎన్నో ఆరోగ్యప్రయోజనాలు చేకూరుతాయి. ఈ సూప్‌ను కేవలం మటన్ బోన్స్ తోనే కాదు, చికెన్ బోన్స్‌తో కూడా చేసుకోవచ్చు. కానీ మటన్ ఎముకలతో చేస్తేనే ఎక్కువ ఆరోగ్యప్రయోజనాలు అందుతాయి. రుచి కూడా బావుంటుంది. మటన్ సూప్‌లో చర్మ సౌందర్యానికి అవసరమైన కొల్లాజెన్ అధికంగా ఉంటుంది. ఇది చర్మానికి, జుట్టుకు, గోళ్లకు మెరుపును అందిస్తుంది. వీటిలో అనేక ఖనిజాలు, విటమిన్లు అధికంగా ఉంటాయి. రోగ నిరోధక వ్యవస్థకు ఇదెంతో మేలు చేస్తుంది. బ్యాక్టిరియాను తట్టుకునే శక్తినిస్తుంది. మలబద్ధకం సమస్య ఉన్నవారికి కూడా ఇది ఎంతో మేలు చేస్తుంది. డయేరియాని ఇది అడ్డుకుంటుంది. ఈ సూప్‌లో గెలాటిన్ లభిస్తుంది. జీర్ణ వ్యవస్థను ఆరోగ్యంగా ఉంచుతుంది. పేగుల్లో మంచి బ్యాక్టిరియా పెరుగుదలను పెంచుతుంది. మంచి డిటాక్సిఫికేషన్ డ్రింకులా కూడా పనిచేస్తుంది. శరీరంలోని టాక్సిన్లను బయటికి పంపిస్తుంది. కాల్షియం లోపం ఉన్నవారికి ఇది మంచి ఆహారం. ప్రతి రెండు రోజుకోసారి తాగితే కాల్షియం లోపం ఇట్టే పోతుంది. కాల్షియం లోపం లేనివాళ్లు ఆరోగ్యం కోసం వారానికోసారి దీన్ని చేసుకుని తాగితే చాలా మంచిది.