తెలంగాణ రాష్ట్ర రోడ్డు రవాణా సంస్థ (టీఎస్ఆర్టీసీ) బస్సులలో ఇటీవల జన్మించిన ఇద్దరు ఆడపిల్లలు తమ 'బర్త్డే' కానుకగా సంస్థ నుంచి ఉచిత జీవితకాల పాస్లను పొందుతున్నారు. తెలంగాణ లోని నాగర్కర్నూల్ డిపోకు చెందిన బస్సులో పెద్దకొత్తపల్లి గ్రామ సమీపంలో నవంబర్ 30వ తేదీన మొదటి ఆడపిల్ల జన్మించగా, డిసెంబరు 7వ తేదీ మధ్యాహ్నం సిద్దిపేట సమీపంలో ఆసిఫాబాద్ డిపోకు చెందిన బస్సులో మరొక మహిళ కుమార్తెకు జన్మనిచ్చింది. ఈ ఇద్దరు మహిళలు ఊహించని విధంగా వారి వారి గమ్యస్థానాలకు చేరుకునేలోపే ప్రసవించడం జరిగింది. టీఎస్ఆర్టీసీ సిబ్బంది తోటి ప్రయాణీకుల సహాయంతో వారు పండంటి ఆడబిడ్డలకు జన్మనిచ్చారు. అనంతరం టీఎస్ఆర్టీసీ సిబ్బంది ఆరోగ్య శాఖ అధికారులతో సమన్వయం చేసుకుని తల్లులు, నవజాత శిశువులను తదుపరి చికిత్స కోసం 108 అంబులెన్స్లో సమీపంలోని ప్రభుత్వ ఆసుపత్రులకు తరలించారు. వారు ప్రస్తుతం ఆరోగ్యంగా ఉన్నారు.టీఎస్ఆర్టీసీ సిబ్బంది, ప్రయాణికుల సత్వర స్పందనను టీఎస్ఆర్టీసీ ఎండీ
వీసీ సజ్జనార్ అభినందించారు. బస్సులో జన్మించిన వారికి టీఎస్ఆర్టీసీ
బస్సులలో ప్రయాణానికి ఉచిత జీవితకాల పాస్లను అందించడం సంతోషంగా ఉందన్నారు.
ఇద్దరు ఆడపిల్లలకు సజ్జనార్ బర్త్డే కానుక !
December 09, 2021
0