* కొండ నాలికను మందు వేస్తే ఉన్న నాలిక ఊడిందంట !
* కూతురు కనలేకపోతే, అల్లుడి మీద పడి ఏడ్చినట్లు !
* కోళ్లను తింటారా అంటే బొచ్చు పారేస్తాము అన్నట్లు !
* గంధం సమర్పయామి అంటే గొడ్డలి నూరరా అన్నాడట !
* గాలికిపోయిన పేలపిండి భగవదర్పితమన్నట్లు !
* చస్తానని చద్దన్నం తింటే చల్లగా నిద్రవచ్చిందంట !
* చాదస్తపు మొగుడు చెపితే వినడు, చెప్పకుంటే కరుస్తాడు !
* చిత్తం శివుడి మీద, భక్తి చెప్పుల మీద !
* చుట్టురా శ్రీ వైష్ణవులే చూస్తే కల్లు కుండ లేదు !
* చెట్టుపేరు చెప్పుకుని కాయలమ్ముకున్నట్లు !
* గాజుల చెయ్యి గలగలలాడితే ఇల్లు కళకళలాడుతుంది!
* గాడిద సంగీతానికి ఒంటె ఆశ్చర్యపడితే, ఒంటె అందానికి గాడిద మూర్ఛపోయిందట !
* కలలోని కౌగిలికి కడుపు లొస్తాయా?
* కాలితో నడిస్తే కాశీకి పోవచ్చునుగాని, తలతో నడిస్తే తనవాకిలి దాటవచ్చునా !
* కింద పడినా, మీసాలకు మన్ను కాలేదన్నట్లు !