కేరళలోని కోజికోడ్ జిల్లా తామరస్సేరికి చెందిన మహిళలు, యువతుల చెప్పులు, బూట్లు గత కొన్నేళ్లుగా చోరీ అవుతున్నాయి. ఇంటి ముందు ఉంచిన చెప్పులను గుర్తు తెలియని వ్యక్తి దొంగిలిస్తున్నాడు. కేవలం మహిళల చెప్పులను మాత్రమే చోరీ చేస్తున్నాడు. ఇళ్ల ముందు మగవారి చెప్పులు ఉన్నప్పటికీ వాటి జోలికి వెళ్లడం లేదు. ఈ లేడీస్ చెప్పుల దొంగ గురించి పోలీసులకు కూడా అంతుపట్టకుండా పోయింది. కాగా, మంచి దుస్తులు ధరించిన ఒక వ్యక్తి స్కూల్ సమీపంలోని ఒక ఇంటి వద్దకు వచ్చాడు. ఆ ఇంటి ముందు ఉన్న పలువురి చెప్పుల్లో మహిళ చెప్పులు తీసుకుని అక్కడి నుంచి వెళ్లిపోయాడు. అయితే ఆ ఇంటి వద్ద ఉన్న సీసీటీవీలో ఇది రికార్డ్ అయ్యింది. దీంతో బాధిత మహిళ ఈ వీడియో ఫుటేజ్ను పోలీసులకు అందజేసింది. ఈ నేపథ్యంలో చూసేందుకు చాలా హూందాగా ఉండి చాలా కాలంగా ఆ ప్రాంతంలో మహిళల చెప్పులు చోరీ చేస్తున్న ఆ ఆగంతకుడ్ని గుర్తించి అరెస్ట్ చేసేందుకు పోలీసులు ప్రయత్నిస్తున్నారు.
మహిళల చెప్పులు దొంగిలిస్తున్న దొంగ !
January 31, 2024
0
Tags