తమిళనాడులోని మైలాడుతురై జిల్లా తరంగంబాడి తాలూకాలోని తిలయాడి గ్రామంలో బుధవారం బాణసంచా తయారీ యూనిట్, గోదాములో జరిగిన పేలుడులో నలుగురు వ్యక్తులు మరణించారు. రాత్రి 3:30 గంటల సమయంలో గోదాము, బాణసంచా తయారీ యూనిట్‌లో మంటలు చెలరేగడంతో జరిగిన పేలుడులో చాలా మంది గాయపడినట్లు చెబుతున్నారు. పేలుడు ధాటికి గోదాము దెబ్బతిన్నట్లు ప్రాథమిక సమాచారం. శిథిలాల కింద ఎంతమంది చిక్కుకుపోయారన్న విషయం వెంటనే తెలియరాలేదు. ఈ పేలుడులో నలుగురు మృతి చెందినట్లు ఇక్కడి పోలీస్ హెడ్ క్వార్టర్స్‌కు అందిన నివేదిక పేర్కొంది. పేలుడు తరువాత, భారీ మంటలు చెలరేగాయి. ఇది మొత్తం ప్రాంతాన్ని చుట్టుముట్టింది. సమాచారం అందుకున్న వెంటనే పోలీసులు, అగ్నిమాపక సిబ్బంది సంఘటనా స్థలానికి చేరుకుని మృతదేహాలను పోస్టుమార్టం నిమిత్తం ప్రభుత్వాసుపత్రికి తరలించారు. చివరి సమాచారం అందే వరకు మంటలను అదుపు చేసేందుకు యత్నాలు కొనసాగుతున్నాయి. రాందాస్ అనే ఈ బాణసంచా యూనిట్‌లో ఫ్యాన్సీ, కంట్రీ క్రాకర్స్ తయారు చేసి విక్రయిస్తున్నారు.
