ఢిల్లీకి చెందిన హర్‌ప్రీత్‌ గిల్ అనే 36 ఏళ్ల వ్యక్తి అమెజాన్‌లో మేనేజర్‌గా పనిచేస్తున్నారు. మంగళవారం రాత్రి 11.30 గంటల సమయంలో తన మేనమామ గోవింద్ కలిసి సుభాష్‌ విహార్‌లోని ఇరుకైన సందులో బైక్‌పై వెళ్తున్నారు. ఈ క్రమంలో వారికి బైక్ మీద వచ్చిన కొంతమంది యువకులు ఎదురయ్యారు. వారు వెళ్లే సందు ఇరుకుగా ఉండటంతో ఇరువురికి మధ్యా గొడవ జరిగింది. దీంతో సమీర్ గ్యాంగ్ కాల్పులు జరిపారు. తరువాత అక్కడి నుంచి పారిపోయారు. ఈ కాల్పుల్లో ఇద్దరు గాయపడ్డారు. తుపాకుల కాల్పులు శబ్ధం విన్న స్థానికులు వచ్చి చూడగా గాయలతో పడి ఉన్న వారిద్దరిని ప్రైవేటు ఆసుపత్రికి తరలించారు. కానీ అప్పటికే తీవ్ర గాయాలతో హర్‌ప్రీత్‌ గిల్ అప్పటికే మరణించాడని డాక్టర్లు తెలిపారు. అతని మేనమామ గోవింద్‌కు చికిత్సనందించారు. చికిత్స పొందుతు గోవింద్ పోలీసులకు ఫిర్యాదు చేశాడు. కేసు నమోదు చేసి సీసీటీవీ ఫుటేజీ ఆధారంగా దర్యాప్తు చేయగా సదరు నిందితుల్ని గుర్తించారు. సమీర్ ను, బిలాల్ గనిలను అరెస్ట్ చేశారు. మిగిలినవారి గురించి గాలిస్తున్నారు. 18 ఏళ్లకే సమీర్ కు నేర చరిత్ర ఉందని నగరంలో పెద్ద డాన్ కావాలనే కోరికతో ఇన్‌స్టాగ్రామ్‌లో ఆయుధాలతో ఫోటోలు, వీడియోలను పోస్ట్ చేస్తుంటారని పోలీసు అధికారులు తెలిపారు. అలాగే సమీర్ గ్యాంగ్ లో ఉన్న బిలాల్‌కు నేరాలు చేయడం కొత్తేమీ కాదని తెలిపారు. అతని అతని అనుచరులు కలిసి 2022లో భజన్‌పురాలో ఒక హత్య, ఒక వ్యక్తి నుండి స్కూటీని దోచుకున్న కేసుతో సహా రెండు కేసులలో ఉన్నాయని తెలిపారు. అతను మైనర్‌గా కాబట్టి చిల్డ్రన్ అబ్జర్వేషన్ హోమ్ కు తరలించామని కానీ కొన్ని రోజుల్లోనే బయటకొచ్చాడని తెలిపారు.
No comments:
Post a Comment