నేపాల్లోని పలు ఆస్పత్రులు, విద్యాసంస్థలకు భారత ప్రభుత్వం 84 వాహనాలను అందజేసింది. బహుమతిగా అందించిన ఈ వాహనాలలో 34 అంబులెన్స్లు, 50 స్కూల్ బస్సులు ఉన్నాయని తెలిపింది. దేశవ్యాప్తంగా ఉన్న వివిధ సంస్థలు వీటిని ఉపయోగించుకుంటాయని ఆ దేశంలోని మన ఎంబసీ పేర్కొంది. నేపాల్ మంత్రి అశోక్ కుమార్ రాయ్ సమక్షంలో భారత రాయబారి నవీన్ శ్రీవాస్తవ ఈ వెహికల్స్ను ఆయా సంస్థలకు అందజేశారు. నేపాల్, ఇండియా డెవలప్మెంట్ పార్టనర్షిప్ ప్రోగ్రామ్లో భాగంగా వెహికల్స్ అందజేసినట్లు శ్రీవాస్తవ చెప్పారు. విద్య, ఆరోగ్య రంగాల్లో మౌలిక వసతుల బలోపేతానికి నేపాల్ ప్రభుత్వం చేస్తున్న కృషికి మద్దతు ఇస్తున్నట్లు పేర్కొన్నారు. భారత్ చేపట్టిన అభివృద్ధి ప్రాజెక్టులపై నేపాల్ మంత్రి రాయ్ హర్షం వ్యక్తం చేశారు. https://t.me/offerbazaramzon
