మహారాష్ట్రలోని నాలుగు దేవాలయాల్లో భక్తులకు డ్రెస్ కోడ్ ప్రవేశపెట్టారు. నాగ్పూర్ నగరంలోని నాలుగు దేవాలయాల్లో డ్రెస్ కోడ్ను ప్రవేశపెట్టినట్లు మహారాష్ట్రలోని దేవాలయాల సంఘం వెల్లడించింది.ప్రభుత్వ నియంత్రణలో ఉన్న దేవాలయాల్లో డ్రెస్ కోడ్ను అమలు చేయాలని మహారాష్ట్ర ముఖ్యమంత్రి ఏక్నాథ్ షిండే, ఉప ముఖ్యమంత్రి దేవేంద్ర ఫడ్నవీస్లను కూడా అభ్యర్థించనున్నారు. మహారాష్ట్రలోని దేవాలయాల సమాఖ్య రాష్ట్రవ్యాప్తంగా ఉన్న దేవాలయాల కోసం డ్రెస్ కోడ్ ను రూపొందించిందని సమన్వయకర్త సునీల్ ఘన్వత్ ఇక్కడ విలేకరులకు చెప్పారు. నాగపూర్ నగరంలోని ధంతోలిలోని గోపాలకృష్ణ దేవాలయం, బెల్లోరిలోని సంకత్మోచన్ పంచముఖి హనుమాన్ ఆలయం (సావోనర్), కనోలిబారాలోని బృహస్పతి ఆలయం, హిల్టాప్ ప్రాంతంలోని దుర్గామాత ఆలయంలో శుక్రవారం నుంచి డ్రెస్ కోడ్ ను అమలు చేస్తున్నట్లు తెలిపారు. భక్తులు అభ్యంతరకరమైన దుస్తులను ధరించరాదని ఫిబ్రవరిలో జలగావ్లో జరిగిన మహారాష్ట్ర టెంపుల్ ట్రస్ట్ కౌన్సిల్ సమావేశం తర్వాత ఈ నిర్ణయం తీసుకున్నట్లు సునీల్ తెలిపారు.''దేవాలయాల పవిత్రతను కాపాడటమే ప్రధాన లక్ష్యం. చాలా దేవాలయాల్లో ఇటువంటి డ్రెస్ కోడ్లు అమలులో ఉన్నాయి'' అని ఘన్వత్ పేర్కొన్నారు.కొద్ది రోజుల క్రితం, ఉస్మానాబాద్ జిల్లాలోని తుల్జా భవాని ఆలయం ఆవరణలో షార్ట్, బెర్ముడాస్ వంటి అసభ్యకరమైన దుస్తులను నిషేధించాలని ప్రయత్నించారు.ప్రజల ఆగ్రహంతో కొద్ది గంటల్లోనే ఈ ఆర్డర్ను ఉపసంహరించుకున్నారు.
మహారాష్ట్రలోని నాలుగు దేవాలయాల్లో భక్తులకు డ్రెస్ కోడ్ !
May 27, 2023
0
Tags