పొగాకు వినియోగం వల్ల కలిగే ఆరోగ్య ప్రమాదాల గురించి అవగాహన పెంచడం , ప్రపంచవ్యాప్తంగా పొగాకు వినియోగాన్ని తగ్గించే విధానాల గురించి తెలియ జెప్పాలని ప్రపంచ పొగాకు వ్యతిరేక దినోత్సవం మే 31న ప్రపంచ ఆరోగ్య సంస్థ లక్ష్యంగా పెట్టుకుంది. ధూమపానం ఆరోగ్యానికి హానికరమైనది. ఇది మన అంతర్గత అవయవాలకు ప్రమాదాలను మాత్రమే కాకుండా , బాహ్య రూపాన్ని కూడా ప్రభావితం చేస్తుంది. ధూమపానం చర్మం, వెంట్రుకలు, కళ్లపై దాని హానికరమైన ప్రభావాలను చూపిస్తుంది. చర్మంపై ధూమపానం ప్రభావం గురించి మాట్లాడుతూ, పూణేలోని రూబీ హాల్ క్లినిక్‌లోని రేడియేషన్ ఆంకాలజీ డైరెక్టర్ డాక్టర్ భూషన్ జాడే ధూమపానం చర్మ ఆరోగ్యానికి మంచిది కాదని సూచించారు. సిగరెట్ పొగలోని హానికరమైన రసాయనాలు చర్మం యొక్క సహజ సమతుల్యతను దెబ్బతీస్తాయి, వృద్ధాప్య ప్రక్రియను వేగవంతం చేయడం , రోజువారి ధూమపానం వల్ల చర్మంపై సన్నని గీతలు, ముడతలు వంటివి చర్మంపై ఏర్పడతాయి. ధూమపానం చేసేవారు నిస్తేజంగా, అసమానమైన చర్మపు టోన్‌లను కలిగి ఉంటారు. చర్మ గాయాలు రికవరీకి ఎక్కువ సమయం పడుతుంది. ధూమపానం ఎగ్జిమా, సోరియాసిస్ , మోటిమలు వంటి సాధారణ చర్మ సమస్యలకు కారణమతుంది. పొగాకు పొగ వల్ల శరీరం ఉబ్బి, మంటలను కలిగిస్తుంది. ధూమపానం రక్త నాళాలను సన్నబడేలా చేస్తుంది. ఇది చర్మానికి చేరే ఆక్సిజన్, పోషకాలను తగ్గిస్తుంది. ధూమపానం చేసేవారు ధూమపానం చేయని వారి కంటే పెద్దవయసు వారిలా కనిపిస్తారు. ధూమపానం మన చర్మంతో పాటు జుట్టుపై ప్రతికూల ప్రభావాన్ని చూపుతుంది. ధూమపానం యొక్క హానికరమైన పొగ జుట్టు కుదుళ్లను బలహీనపరుస్తుంది. ఫలితంగా జుట్టు రాలడం సన్నబడటం జరుగుతుంది. ధూమపానం మెలనిన్ ఉత్పత్తికి అంతరాయం కలిగిస్తుంది. ధూమపానం చేసేవారిలో జుట్టు జీవశక్తిని కోల్పోయి నిర్జీవంగా మారిపోతుంది. ధూమపానం యొక్క హానికరమైన ప్రభావాలు కళ్ళపై నా పడతాయి. కంటిశుక్లం, మాక్యులార్ డీజెనరేషన్, డ్రై ఐ సిండ్రోమ్‌తో సహా అనేక కంటి వ్యాధులు దీర్ఘకాలిక ధూమపానం ద్వారా తీవ్రతరం అవుతాయి. ధూమపానం వల్ల ఏర్పడే ఆక్సీకరణ ఒత్తిడి కారణంగా, ధూమపానం చేసేవారు కంటిలోని సహజ కటకానికి పొరలు ఏర్పడి కంటిశుక్లం వచ్చే అవకాశం ఉంది. ధూమపానం చేసేవారు అంధత్వానికి ప్రధాన కారణాలలో ఒకటైన మాక్యులర్ డీజెనరేషన్ వచ్చే అవకాశం ఉంది. ధూమపానం ప్రమాదకర రసాయనాలతో రెటీనా కణాలను దెబ్బతీస్తుంది. ధూమపానం కళ్ళను చికాకుపెడుతుంది, దీని ఫలితంగా ఎర్రగా మారటం, దురద ,కంటి నుండి నీరు కారటం వంటి సమస్యలు ఉత్పన్నం అవుతాయి. ధూమపానం ఆపడం వల్ల శరీరంలోని అవయవాలకు జరిగే హానిని తగ్గించవచ్చు. అధ్యయనాల ప్రకారం, ధూమపానం మానేసిన వ్యక్తులు వారి చర్మం ఆకృతిలో మార్పులు, తక్కువ ముడతలు , ఆరోగ్యకరమైన ఛాయను సొంతం చేసుకుంటారు. కంటి సమస్యలు, జుట్టు రాలడం గణనీయంగా తగ్గుతాయి. ధూమపానం మన అంతర్గత ఆరోగ్యానికి తీవ్రమైన ప్రమాదాన్ని కలిగించడమే కాకుండా మన రూపాన్ని శాశ్వతంగా మారుస్తుంది. చర్మం, వెంట్రుకలు మరియు కళ్ళపై ధూమపానం యొక్క ప్రతికూల ప్రభావాలు ఎక్కువగా ఉంటాయన్న విషయాన్ని గుర్తుంచుకోవాలి.
