ఒడిశాలోని బాలాసోర్ జిల్లాలో ఒక వివాహిత మహిళ పై తన రెండున్నరేళ్ల కుమారుడి ఎదుట 79 రోజుల పాటు భూతవైద్యుడు పలుమార్లు అత్యాచారానికి పాల్పడ్డాడని పోలీసులు శనివారం తెలిపారు. పోలీసులు శుక్రవారం తాళం వేసిన గది నుండి మహిళ మరియు ఆమె బిడ్డను రక్షించారు. కాని నిందితుడు తప్పించుకున్నాడు. అతడిని అరెస్టు చేయడానికి పోలీసులు గాలింపు చేపట్టారు. మహిళ మరియు ఆమె అత్తమామల మధ్య గొడవలు పరిష్కరించడానికి తన భర్త మరియు అత్తమామలు తనను భూతవైద్యుడు" వద్ద ఉండమని బలవంతం చేశారని ఆమె పోలీసులకు ఇచ్చిన ఫిర్యాదులో ఆరోపించింది. 2017లో పెళ్లి చేసుకున్న తరువాత వరకట్నం కోసం అత్తమామలు శారీరకంగా, మానసికంగా హింసించారని తెలిపింది. ఆ మహిళ తనతో కొన్ని నెలలు ఉంటే విబేధాలను పరిష్కరిస్తానని భూతవైద్యుడు కుటుంబ సభ్యులకు హామీ ఇచ్చాడు. ఆమె అంగీకరించకపోవడంతో అత్తగారు తనకు మత్తుమందు ఇచ్చిందని ఆరోపించింది. తరువాత అతను మహిళ కొడుకు ముందే గదిలో 79 రోజుల పాటు పలు మార్లు అత్యాచారం చేశాడు. నిందితుడు తల్లి, బిడ్డలకు భోజనం ఏర్పాటు చేశారు. ఏప్రిల్ 28న, అతను తన మొబైల్ ఫోన్‌ను గదిలోనే ఉంచాడు. దానిని ఉపయోగించి తన తల్లిదండ్రులకు ఫోన్ చేసి తన కష్టాలను వివరించింది. దీంతో వారు పోలీసులకు సమాచారం అందించారు. అయితే పోలీసులు అక్కడికి చేరుకునే సమయానికి అతను తప్పించుకున్నాడు.
