దేశవ్యాప్తంగా ఇంధన ధర పెరుగుదలకు బ్రేక్ పడింది. గత మూడు రోజులుగా పెట్రోల్, డీజిల్ ధరల్లో ఎలాంటి మార్పులు లేకుండా స్థిరంగా కొనసాగుతున్నాయి. హైదరాబాద్‌లో పెట్రోల్ లీటర్ ధర రూ.119.47 ఉండగా, డీజిల్ లీటర్ ధర రూ.105.47 వద్ద ఉంది. పెట్రోల్, డీజిల్ ధరలు చివరిసారిగా లీటరుకు 80 పైసలు చొప్పున పెరిగాయి. 16 రోజుల్లో మొత్తం ధరలు లీటరుకు రూ. 10కి పెరిగాయి. రాష్ట్ర ఇంధన రిటైలర్ల ధర నోటిఫికేషన్ ప్రకారం దేశ రాజధాని ఢిల్లీలో ఇప్పుడు పెట్రోల్ ధర లీటరుకు రూ.105.41 కాగా, డీజిల్ ధర రూ. 96.67 పెరిగింది. గురుగ్రామ్‌లో లీటర్ పెట్రోల్ ధర రూ. 105.86, లీటర్ డీజిల్ రూ. 97.10గా పెరిగాయి. స్థానిక పన్నుల ఆధారంగా ఆయా రాష్ట్రాల్లో పెట్రోల్, డీజిల్ ధరలు మారుతూ ఉంటాయి. మార్చి 22న ఇంధన రేట్ల సవరించగా.. నాలుగున్నర నెలల సుదీర్ఘ విరామం తర్వాత 18 రోజుల్లో ధరలలో 14సార్లు పెరిగాయి. ముంబైలో, లీటర్ పెట్రోల్ ధర వరుసగా రూ. 120.51, డీజిల్ లీటర్ రూ. 104.77గా ఉన్నాయి. చెన్నైలో, పెట్రోల్, డీజిల్ ధరలు లీటరుకు రూ. 110.85, రూ. 100.94 వద్ద ఉన్నాయి. కోల్‌కతాలో పెట్రోల్ ధర రూ. 115.12, డీజిల్ ధర రూ. 99.83గా ఉన్నాయి. బెంగళూరులో లీటర్ పెట్రోల్ ధర రూ. 111.09 ఉండగా, లీటర్ డీజిల్ రూ. 94.79గా ఉంది. పెట్రోల్, డీజిల్ ధరలు వరుసగా 5 రోజుల పాటు లీటరుకు 80 పైసలు చొప్పున పెరిగాయి. మహారాష్ట్ర, ఆంధ్రప్రదేశ్, ఒడిశా, చత్తీస్‌గఢ్, తెలంగాణ, మధ్యప్రదేశ్, బీహార్, జార్ఖండ్, తమిళనాడు, కేరళలో పలు చోట్ల డీజిల్ ఆ స్థాయి కంటే ఎక్కువగా పెరిగాయి. దేశంలోని అన్ని ప్రధాన నగరాల్లో పెట్రోల్ ధరలు లీటరుకు రూ. 100 దాటాయి.
