1780లో ఈస్టిండియా కంపెనీపై హైదర్ అలీ, అతడి కుమారుడైన టిప్పు సుల్తాన్ సాధించిన విజయానికి గుర్తుగా ఆనాడు వేసిన చిత్రాలకు మంచి ధర పలికింది. 242 సంవత్సరాల క్రితం సెప్టెంబరు 10న ఆంగ్లో-మైసూరు యుద్ధం జరిగింది. దీనినే 'ది బ్యాటిల్ ఆఫ్ పొల్లిలూర్'గా అంటారు. ఈ యుద్ధంలో సాధించిన విజయం చరిత్రలో నిలిచిపోయేలా టిప్పు సుల్తాన్ ఓ పెయింటింగ్ గీయించారు. ఆ పెయింటింగ్ ను వేలం వేయగా అదరిపోయే ధర పలికింది. 32 అడగుల పొడవున్న ఈ పెయింటింగ్‌ను లండన్‌లోని సదబీస్ ఆక్షన్ హౌస్‌లో వేలానికి ఉంచారు. వరల్డ్ అండ్ ఇండియా విభాగంలో ప్రత్యేక ఆకర్షణగా నిలిచిన ఈ చిత్రాలు ఏకంగా రూ. 6.27 కోట్లకు (6.30 లక్షల పౌండ్లు) అమ్ముడుపోయాయి. ఈ పెయింటింగ్ లో యుద్ధం యొక్క దృశ్యాలకు కళ్లకు కట్టినట్లుగా వేసారు. ఇది నిస్సందేహంగా మనుగడలో ఉన్న వలసవాద ఓటమికి సంబంధించిన గొప్ప భారతీయ చిత్రం. ఇది అద్వితీయమైన మరియు అద్భుతమైన కళాకృతి" అని సోథెబీస్ నిపుణుడు విలియం డాల్రింపుల్, ‘ది అనార్కీ: ది రిలెంట్‌లెస్ రైజ్ ఆఫ్ ది ఈస్ట్ ఇండియా కంపెనీ’ రచయిత అన్నారు. ఈస్ట్ ఇండియా కంపెనీ ఎదుర్కొన్న అత్యంత ప్రభావవంతమైన ప్రత్యర్థి టిప్పు సుల్తాన్. టిప్పు భారతీయులు తిరిగి పోరాడగలరని, భారతదేశంలో యూరోపియన్ సైన్యాన్ని ఓడించడం మొదటిసారిగా ఈ పొల్లిలూర్ యుద్ధంలో విజయం సాధించగలదని చూపించాడు అని అన్నారు.
