ఈడీ అదుపులో దావూద్ ఇబ్రహీం సోదరుడు

మనీలాండరింగ్ కేసులో గ్యాంగ్‌స్టర్ దావూద్ ఇబ్రహీం సోదరుడు ఇక్బాల్ కస్కర్‌ను ఈడీ అరెస్ట్ చేసింది. 1993 ముంబై పేలుళ్ల సూత్రధారి దావూద్ ఇబ్రహీంపై ఇటీవల నమోదైన మనీలాండరింగ్ కేసు విచారణలో భాగంగా జైలులో ఉన్న సోదరుడు ఇక్బాల్ కస్కర్‌ను ఎన్‌ఫోర్స్‌మెంట్ డైరెక్టరేట్ (ఈడీ) అరెస్టు చేసినట్లు అధికారులు వెల్లడించారు. పలు దోపిడీ కేసుల్లో ఇప్పటికే థానే జైలులో ఉన్న కస్కర్‌ను తాజా కేసులో అదుపులోకి తీసుకున్నారు. ఫిబ్రవరి 16న అతడిపై ప్రొడక్షన్ వారెంట్ జారీ చేసిన ప్రత్యేక ప్రివెన్షన్ ఆఫ్ మనీ లాండరింగ్ యాక్ట్ కేసు లో కోర్టు ముందు హాజరుపరచనున్నట్లు అధికారులు చెప్పారు. ఫెడరల్ ప్రోబ్ ఏజెన్సీ అతనిపై కొత్తగా నమోదైన కేసులో, పరారీలో ఉన్న గ్యాంగ్‌స్టర్ ఇబ్రహీం , ముంబై అండర్ వరల్డ్‌తో సంబంధం ఉన్న ఇతరులపై ప్రశ్నించడానికి అతని కస్టడీని కోరింది. కొత్త కేసు నమోదై, ఫిబ్రవరి 15న ముంబైలో అండర్‌వరల్డ్‌ కార్యకలాపాలు, అక్రమ ఆస్తుల లావాదేవీలు, హవాలా లావాదేవీలు వంటి వాటిపై దాడులు చేసిన నేపథ్యంలో ED ఈ చర్య తీసుకుంది. ఇబ్రహీం దివంగత సోదరి హసీనా పార్కర్, కస్కర్ , గ్యాంగ్‌స్టర్ ఛోటా షకీల్ బావమరిది సలీం ఖురేషీ అలియాస్ సలీం ఫ్రూట్‌లతో సహా 10 ప్రదేశాలలో సోదాలు జరిగాయి. దాడుల అనంతరం ఖురేషీని కూడా ఈడీ ప్రశ్నించింది. స్వతంత్ర ఇంటెలిజెన్స్‌తో పాటు ఇబ్రహీం , ఇతరులపై నేషనల్ ఇన్వెస్టిగేషన్ ఏజెన్సీ ఇటీవల దాఖలు చేసిన ఎఫ్‌ఐఆర్ ఆధారంగాఈడీ కేసు ఉంది. చట్టవ్యతిరేక కార్యకలాపాల (నివారణ) చట్టం లోని సెక్షన్ల కింద ఎన్ఐఏ తన క్రిమినల్ ఫిర్యాదును దాఖలు చేసింది. దర్యాప్తు సమయంలో, దాడుల తర్వాత కూడా ఇక్కడ, దుబాయ్‌లో కార్యకలాపాలు నిర్వహిస్తున్న భారతీయ వ్యాపారులతో లింకులు ఉన్న ఈ అక్రమ ఆస్తుల ఒప్పందాలకు సంబంధించిన పత్రాలను ఏజెన్సీ స్వాధీనం చేసుకున్నట్లు వెల్లడించింది.