ఈరోజు నుంచి దేశంలో 15-18 ఏళ్లలోపు వయస్సు వారికి కరోనా వ్యాక్సినేషన్ ప్రక్రియను కేంద్ర ప్రభుత్వం ప్రారంభించింది. ఇందుకోసం జనవరి 1 నుంచి రిజిస్ట్రేషన్ చేసుకోవచ్చని కేంద్రం ప్రకటించింది. కేంద్రం అందించిన మార్గదర్శకాల ప్రకారం, 15 నుంచి 18 ఏళ్లలోపు వయస్సు గల పిల్లలకు మాత్రమే కోవాక్సిన్ ఇవ్వనున్నారు. ఇందుకోసం కోవిన్ యాప్‌లో రిజిస్టర్ చేసుకోవచ్చని కోవిన్ ప్లాట్‌ఫాం చీఫ్ డా.ఆర్.ఎస్.శర్మ తెలిపారు. అయితే, దేశంలోని ఇతర ప్రాంతాల మాదిరిగానే, మహారాష్ట్రలోని నాసిక్ జిల్లాలో 15 నుండి 18 సంవత్సరాల వయస్సు గలవారికి కరోనా వ్యాక్సినేషన్ ప్రారంభించారు. అయితే యేవాలా తాలూకాలోని పటోడాలో వైద్య సిబ్బంది నిర్లక్ష్యం ఉదంతం వెలుగులోకి వచ్చింది. ఇక్కడ ఒక విద్యార్థికి కోవాక్సిన్‌కు బదులుగా కోవిషీల్డ్ మోతాదును అందించారు. దీంతో ఆ యువకుడి తల్లిదండ్రులు తీవ్ర ఆగ్రహం వ్యక్తం చేశారు. సంబంధిత ఉద్యోగిపై చర్యలు తీసుకోవాలని డిమాండ్ చేశారు. సోమవారం నాసిక్ జిల్లాలోని 6 ప్రదేశాలు, 39 టీకా కేంద్రాలలో యుక్తవయస్సులోని బాలబాలికలకు టీకాలు వ్యాక్సినేషన్ ప్రక్రియ ప్రారంభించారు. టీకాల కోసం నగరంలో 11 కేంద్రాలు ఉన్నాయి. వీటిలో నాసిక్ మున్సిపల్ కార్పొరేషన్ యొక్క 6 కేంద్రాలు, మాలెగావ్ మున్సిపల్ కార్పొరేషన్ పరిధిలో 5 కేంద్రాలు ఉన్నాయి. మిగిలిన 29 టీకా కేంద్రాలు జిల్లా అంతర్భాగాల్లో ఉన్నాయి. ఈ నలభై తొమ్మిది కేంద్రాలలో, యేవోలలోని ఒక కేంద్రంలో వైద్య సిబ్బంది నిర్లక్ష్యం తెరపైకి వచ్చింది.యేవల తాలూకా ఈ తీవ్ర నిర్లక్ష్యానికి సంబంధించిన విద్యార్థి తల్లిదండ్రులు తీవ్ర ఆగ్రహం వ్యక్తం చేస్తున్నారు. ఈ నిర్లక్ష్యంపై విచారణ జరిపి బాధ్యులపై కఠిన చర్యలు తీసుకోవాలని అథర్వ్ పవార్ తండ్రి వసంత్ పవార్ డిమాండ్ చేశారు. మరోవైపు, ఆరోగ్య కేంద్రంలో నియమించిన ఆరోగ్య కార్యకర్త తప్పు చేసినట్లు తాలూకా ఆరోగ్య అధికారి హర్షల్ నెహ్తే అంగీకరించారు. అయితే, సంబంధిత ఉద్యోగిపై ఎలాంటి చర్యలు తీసుకోబోతున్నారనే దానిపై ప్రస్తుతం మౌనంగా ఉన్నారు. విచారణ పూర్తి అయ్యేంత వరకు ఓపిక పట్టాలని ఆయన కోరారు. ప్రస్తుతం అధర్వ్ ఆరోగ్యం బాగానే ఉందని, తప్పుడు టీకా వేసినా. దానిపై ఎలాంటి సైడ్ ఎఫెక్ట్ లేదా రియాక్షన్ కనిపించలేదు.
