బడ్జెట్ ఫ్లెండ్లీ ఫ్యాషన్ దుస్తుల విక్రయంలో టాటాలకు చెందిన జూడియో దూసుకుపోతోంది. ఇది ముఖేష్-ఇషా అంబానీల నేతృత్వంలోని రిలయన్స్ ట్రెండ్స్ బ్రాండ్ కు పెద్ద పోటీదారుగా అవతరించింది. కంపెనీ సక్సెస్ ఫార్ములా దేశంలో అందరినీ ఆశ్చర్యానికి గురిచేస్తోంది. ప్రస్తుతం జూడియో పెద్ద నగరాల నుంచి చిన్న పట్టణాల వరకు భారీ వ్యాపారం, ఆదాయాన్ని టార్గెట్ సేకరిస్తోంది. యువతను ఎప్పటికప్పుడు కొత్త ఫ్యాషన్ ట్రెండ్లతో ఆకట్టుకుంటోంది. ఈ విజయాన్ని అనుసరించి కంపెనీ గురుగ్రామ్‌లో 22,000 చదరపు అడుగుల రిటైల్ స్థలాన్ని లీజుకు తీసుకుంది. మార్చిలో తూర్పు ఢిల్లీ లో Zudio తన 506వ స్టోర్‌ను ప్రారంభించింది. రిటైల్ దుస్తులు రంగంలో డిమాండ్ మందగించినప్పటికీ 2024 ఆర్థిక సంవత్సరం నాలుగో త్రైమాసికంలో అనూహ్యంగా బలమైన రాబడి వృద్ధిని జూడియో అంచనా వేసింనట్లు బ్రోకరేజ్ సంస్థ మోతీలాల్ ఓస్వాల్ నివేదిక ప్రకారం వెల్లడైంది. విశ్లేషకుల అంచనాల్లో తెలిసిన ఆసక్తికరమైన విషయం ఏమిటంటే.. జూడియో విజయం వెనుక అసలు రహస్యం దాని ఇన్వెంటరీని రోజుల వ్యవధిలో అప్‌డేట్ చేయగల సామర్థ్యం, ఇది మార్కెట్‌లో వేగంగా అభివృద్ధి చెందుతున్న ప్రత్యేకమైన శక్తి.జూడియోను నిర్వహించే దుస్తులు రిటైలర్ టాటా ట్రెండ్‌ను దాని స్థిరమైన కాంపౌండర్స్ పోర్ట్‌ఫోలియోకు జోడించింది. దీనికి తోడు జూడియో బ్రాండ్ బలం దాని లాజిస్టిక్స్, ఉత్పత్తి అభివృద్ధిపై పూర్తి నియంత్రణ కలిగి ఉండటమే. అందుకే ప్రతి నెలా కొత్త దుస్తులను పరిచయం చేసి కస్టమర్లను నిలబెట్టుకోగలుగుతోంది. అదేవిధంగా తక్కువ ధరలకు నాణ్యమైన ఉత్పత్తులను అందించడం ద్వారా అదనపు వాణిజ్యాన్ని పొందడం ద్వారా దాని ఇన్వెంటరీని 6 రెట్లు పెంచుతుంది. టాటా గ్రూప్ తన WESTSIDE బ్రాండ్ ద్వారా ఈ రంగంలో విస్తారమైన అనుభవాన్ని సంపాదించుకుంది. జూడియో బ్రాండ్ ప్రతి 15 రోజులకు వారి దుస్తులను పునరుద్ధరించుకుంటుంది. పరిశ్రమలో మరే ఇతర దుస్తులు కంపెనీ తమ ఇన్వెంటరీని ఇంత వేగంగా మార్చలేదు. తద్వారా వారు తమ పోటీదారుల కంటే 3-5 రెట్లు వేగంగా ఎదుగుతున్నారు. జూడియో ప్రస్తుతం టాటా ట్రెండ్స్ కింద నిర్వహించబడుతోంది. రానున్న కాలంలో టైటాన్ ఫార్ములాలో కంపెనీ వృద్ధి చెందితే 2000 రెట్లు లాభాలను అందించగలదని నిపుణులు అంచనా వేస్తున్నారు. టాటా ట్రెండ్ షేర్లు నేడు 0.84 శాతం క్షీణించి రూ.3,899 వద్ద ఉన్నాయి. అయితే 2024లోనే 29.88 శాతం వృద్ధి చెందాయి.
