ఇంగ్లాండ్ లోని లండన్‌లో రాయల్‌ ఫెస్టివల్‌ హాల్‌లో 77వ బ్రిటిష్‌ అకాడమీ ఫిల్మ్‌ అవార్డుల ప్రదానోత్సవం ఆదివారం అట్టహాసంగా జరిగింది. ప్రముఖ దర్శకుడు క్రిస్టోఫర్ నోలన్ తెరకెక్కించిన బయోగ్రాఫికల్ మూవీ 'ఓపెన్‌హైమర్' చిత్రం ఈ అవార్డుల్లోనూ సత్తా చాటింది. ఉత్తమ చిత్రంతో పాటు ఉత్తమ దర్శకుడు, ఉత్తమ నటుడితో పాటు మొత్తం ఏడు విభాగాల్లో ఈ సినిమాకు అవార్డులు దక్కాయి. కాగా క్రిస్టోఫర్ నోలన్‌కు దర్శకుడిగా ఇదే తొలి బ్రిటిష్‌ అకాడమీ ఫిల్మ్‌అవార్డు కావడం విశేషం. ఇప్పటికే అత్యధిక గోల్డెన్ గ్లోబ్ అవార్డులను దక్కించుకున్న ఈ సినిమా వచ్చే నెల మార్చిలో జరగనున్న ఆస్కార్ రేసులో తన ప్లేస్‌ను మరింత సుస్థిరం చేసుకుంది. కాగా 'పూర్ థింగ్స్‌'కు ఐదు, 'ది జోన్ ఆఫ్ ఇంట్రెస్ట్'కు మూడు అవార్డులు దక్కాయి. 'ది జోన్ ఆఫ్ ఇంట్రెస్ట్'కు మూడు పురస్కారాలు దక్కాయి.
