తెలంగాణలో ఎన్నికల కోసం ఎన్నికల కమిషన్ చక చక ఏర్పాట్లు చేస్తుంది. మరో మూడు రోజుల్లో పోలింగ్ జరుగుతుండటంతో కట్టు దిట్టంగా ఏర్పాట్లు చేస్తుంది. ఈ క్రమంలో భారత ఎన్నికల సంఘం తెలంగాణలోని ఫెసిలిటేషన్ కేంద్రాలకు 1.68 లక్షల పోస్టల్ బ్యాలెట్లను జారీ చేసింది. ఈ సంఖ్య 2018లో 1,00,135 సంఖ్య కంటే ఎక్కువగా పెరిగింది. ఈ ఏడాది 96,526 మంది ఉద్యోగులు పోస్టల్ బ్యాలెట్‌ను వినియోగించుకోనున్నారని ప్రధాన ఎన్నికల అధికారి (సీఈవో) వికాస్ రాజ్ తెలిపారు. బీఆర్కే భవన్‌లో విలేకరుల సమావేశంలో వికాస్ రాజ్ మాట్లాడుతూ, పార్టీ ప్రతినిధుల నుండి క్లియరెన్స్ తర్వాత నవంబర్ 29 న ఎలక్ట్రానిక్ ఓటింగ్ యంత్రాలను పోలింగ్ స్టేషన్‌లకు పంపిస్తామని చెప్పారు. 2.5 మంది పోలింగ్ సిబ్బందిని నియమించారు. ఎన్నికల విధుల్లో 2.5 లక్షల మంది సిబ్బందిని నియమించామని, నవంబర్ 28న వివిధ ప్రాంతాలకు పంపిస్తామని వికాస్ రాజ్ తెలిపారు. 26,000 మంది ఓటర్లు ఉన్నారని, వారిలో 15,000 మంది సీనియర్ సిటిజన్లు, 9,374 మంది వికలాంగులు, 1,407 మంది నిత్యావసర సేవా సిబ్బందితో మొదటి 'ఓట్ ఫ్రమ్ హోమ్' సదుపాయం పూర్తయిందని ఆయన చెప్పారు. ఎన్నికల సంఘం 1200 క్రిటికల్ పోలింగ్ స్టేషన్లను గుర్తించి, నివారణ చర్యలను అమలు చేస్తోంది. అంతేకాకుండా పోలింగ్ కేంద్రాల వద్ద బందోబస్తు కోసం పోలీసులు, జిల్లా ఎన్నికల అధికారులు (డీఈవోలు) బలగాలను మోహరించేందుకు చర్యలు తీసుకున్నారని సీఈవో పేర్కొన్నారు.
