ఖలిస్తానీ ఉగ్రవాది హర్దీప్ సింగ్ నిజ్జార్ హత్యపై భారతదేశం - కెనడా మధ్య దౌత్యపరమైన ఉద్రిక్తతల మధ్య, కెనడా రక్షణ మంత్రి బిల్ బ్లెయిర్ కీలక వ్యాఖ్యలు చేశారు. భారత్‌తో తమ దేశం సంబంధం చాలా ముఖ్యమైనదని, ఒట్టావా ఇండో-పసిఫిక్ చొరవ వంటి భాగస్వామ్యాన్ని కొనసాగిస్తుందని నొక్కి చెప్పారు. జూన్‌లో బ్రిటీష్ కొలంబియాలో జరిగిన నిజ్జర్ హత్యలో భారత్ పాత్రను ముడిపెట్టి కెనడా ప్రధాన మంత్రి జస్టిన్ ట్రూడో చేసిన ఆరోపణలకు ముందు, ఒట్టావా వాణిజ్యం, రక్షణ, ఇమ్మిగ్రేషన్ రంగాలలో భారతదేశంతో లోతైన సంబంధాలను కోరుతోంది. ట్రూడో లేవనెత్తిన ఆరోపణలపై దర్యాప్తు చేస్తుండగా.. భారత్ తో కెనడా పలు భాగస్వామ్యాలను కొనసాగిస్తుందని బ్లెయిర్ ఒక ఇంటర్వ్యూలో చెప్పారు. ఇండో-పసిఫిక్ వ్యూహం కెనడాకు కీలకమైనదని మంత్రి తెలిపారు. ఇది ఈ ప్రాంతంలో సైనిక ఉనికిని, మరింత పెట్రోలింగ్ సామర్థ్యాలకు కట్టుబడి ఉండటానికి దారితీసింది. "భారత్‌తో మా సంబంధానికి సంబంధించి ఇది ఒక సవాలుగా ఉండే సమస్య అని నిరూపితమైందని మేము అర్థం చేసుకున్నాం.. అదే సమయంలో, చట్టాన్ని రక్షించడం, పౌరులను రక్షించడం అనేది మాపై బాధ్యత ఉంది. మేము క్షుణ్ణంగా విచారణ జరిపి నిజానిజాలను తెలుసుకునేందుకు సమయం పడుతుంది" అని గ్లోబల్ న్యూస్ నివేదికలో బ్లెయిర్ చెప్పుకొచ్చాడు. ఆ ఆరోపణలు నిజమని రుజువైతే ఇది ఆందోళనకరమైన అంశంగా మారుతుందన్నారు.
