కర్ణాటకలో అసెంబ్లీ ఎన్నికల నేపథ్యంలో పలు హోటల్లు ఓటర్ల కోసం ఆఫర్లు ప్రకటిస్తున్నాయి. అందులో భాగంగా కర్ణాటకలోని ప్రభుత్వ హోటళ్లు 50 శాతం తగ్గింపును ప్రకటించాయి. ఈ ఆఫర్‌ను మే 10న రాష్ట్రవ్యాప్తంగా వున్న అన్ని కర్ణాటక స్టేట్ టూరిజం డెవలప్‌మెంట్ కార్పోరేషన్ మయూర హోటళ్లలో పొందవచ్చు. పోలింగ్ రోజున బయటకు వెళ్లి ఓటు వేయమని ప్రజలను ప్రోత్సహించేందు ఈ నిర్ణయాన్ని ప్రకటించినట్టు తెలుస్తోంది. రాష్ట్రంలో జరగనున్న అసెంబ్లీ సార్వత్రిక ఎన్నికలలో ఓటర్లను ప్రోత్సహించడానికి, కర్ణాటక రాష్ట్ర పర్యాటక అభివృద్ధి సంస్థ కార్పొరేషన్ యాజమాన్యంలోని 'మయూర' హోటళ్లలో బసపై 50% ప్రత్యేక తగ్గింపును అందిస్తోంది. రాష్ట్రవ్యాప్తంగా ఓటు వేసే ప్రజలకు/పర్యాటకులకు ఈ ప్రత్యేక రాయితీని వర్తిస్తుందని అధికారులు తెలిపారు. ఈ ఆఫర్ ను పొందాలనుకునే తప్పనిసరిగా ఓటు వేయాలని, ఈ సదుపాయాన్ని సద్వినియోగం చేసుకోవాలని సూచించారు. ప్రభుత్వం నిర్వహించే మయూర హోటళ్లు కర్ణాటక అంతటా, రాష్ట్రంలోని అన్ని ప్రధాన పర్యాటక ప్రదేశాలలో ఉన్నాయి.
