తెలంగాణలోని భద్రాద్రి కొత్తగూడెం జిల్లాలో గాంధీకాలనీకి చెందిన కొమ్మరబోయిన శ్రీనివాస్ (50) కొత్తగూడెం కలెక్టరేట్లో అటెండర్గా పనిచేస్తున్నారు. రోజూ తాగివచ్చి నిత్యం వేధిస్తున్నాడంటూ ఆయన భార్య హతమార్చింది. వేధింపులు తప్పడంతో పాటు, కారుణ్య నియామకం కింద భర్త ఉద్యోగం తనకు దక్కుతుందన్న ఆలోచనతో హత్య చేసినట్లు పోలీసుల విచారణలో అంగీకరించింది. గత నెల 29న అర్ధరాత్రి ఆయన వంటింట్లో జారిపడ్డాడని, తలకు తీవ్ర గాయమైందని భార్య సీతామహాలక్ష్మి (43) మర్నాడు ఉదయం కొత్తగూడెంలోని జిల్లా ఆసుపత్రిలో చేర్పించింది. కొద్దిగంటల చికిత్స అనంతరం ఆయన మృతి చెందాడు. తండ్రి మృతిపై అనుమానం ఉన్నట్లు కుమారుడు సాయికుమార్ ఫిర్యాదు చేయడంతో పోలీసులు కేసు నమోదు చేశారు. భర్తను ఆసుపత్రిలో చేర్పించిన తర్వాత కనిపించకుండా పోయిన సీతామహాలక్ష్మిపై నిఘా పెట్టారు. మంగళవారం రాత్రి హైదరాబాద్ వెళ్లేందుకు ఆమె కొత్తగూడెం రైల్వేస్టేషన్కు రాగా అదుపులోకి తీసుకుని విచారించారు. ''ఆ రోజు నా భర్త తాగిన మైకంలో ఇంటికొచ్చాడు. నిద్రలోకి జారుకున్నాక కర్రతో తలపై కొట్టా. వంటగదిలోకి తీసుకెళ్లి పడుకోబెట్టా.'' అని నిందితురాలు అంగీకరించినట్లు ఎస్సై తెలిపారు.
తాగివచ్చి నిత్యం వేధిస్తున్నాడని భర్త ను చంపింది
January 05, 2023
0
Tags