ఉత్తర్ ప్రదేశ్ లోని సీతాపూర్ కి చెందిన అరుణ్ కుమార్ అనే పదో తరగతి విద్యార్థి హెల్మెట్ పెట్టుకుంటేనే బైక్ నడిచేలా పరికరాన్ని తయారు చేశాడు. హెల్మెట్ తలపై పెట్టుకున్న తర్వాతే దానికి అమర్చిన పరికరం యాక్టివేట్ అవుతుంది. ఆ తర్వాతే బైక్ స్టార్ట్ అవుతుంది. ఈ విద్యార్థి తయారు చేసిన ఈ కొత్త టెక్నిక్‌ని చూసి స్కూల్ టీచర్లు కూడా ఆశ్చర్యపోతున్నారు. ప్రభుత్వ ఇంటర్ కళాశాలలో చదువుతున్న ఇంద్రౌళి నివాసి దినేష్ కుమార్ కుమారుడు 10వ తరగతి విద్యార్థి అరుణ్ కుమార్ ఈ టెక్నిక్‌ను ఆవిష్కరించాడు. సెన్సార్‌లతో హెల్మెట్‌ను తయారు చేయడానికి రెండు వైర్‌లెస్ పరికరాలను ఉపయోగించినట్లు విద్యార్థి చెప్పాడు. హెల్మెట్‌ని వైర్‌లెస్ కంట్రోలర్‌కి అమర్చామని చెప్పాడు. ఈ పరికరం వాహనం ఇంజిన్‌తో అమర్చబడి ఉంటుందని, 9 వోల్టేజ్ బ్యాటరీతో పని చేస్తుందని అరుణ్ చెప్పాడు. హెల్మెట్ లోపల పుష్ బటన్ ఉందని, అది ధరించిన తర్వాత పుష్ బటన్‌లో కరెంట్ వస్తుందని, పరికరం యాక్టివేట్ అయిన వెంటనే బైక్ స్టార్ట్ అవుతుందని అరుణ్ కుమార్ చెప్పారు. ఈ హెల్మెట్ స్పెషాలిటీ ఏంటంటే.. బైక్‌ను తలపై నుంచి తీయగానే ఆటోమేటిక్‌గా ఆగిపోతుందని, దాన్ని ధరించి బైక్‌ను స్టార్ట్ చేయవచ్చన్నాడు. ఈ డివైజ్‌ని తయారు చేసేందుకు యూట్యూబ్ సహాయం తీసుకున్నానని అరుణ్ చెప్పాడు. ఈ ఆవిష్కరణతో అరుణ్ ఉపాధ్యాయుల ప్రశంసలందుకున్నాడు. విద్యార్థి అరుణ్ కాలేజీ ఎగ్జిబిషన్‌లో ఈ పరికరాన్ని ప్రదర్శించాడు. దీంతో రవాణా శాఖ అధికారులు ఆయనను అభినందించారు. అంతేకాదు రాష్ట్ర స్థాయిలో ఈ పరికరం ద్వారా కొత్త సాంకేతికతను అందిపుచ్చుకుంటామని హామీ ఇచ్చారు. ఈ సెన్సార్‌తో కూడిన హెల్మెట్‌ను మరిన్ని వాహనాల కంపెనీలు మార్కెట్‌లోకి ప్రవేశపెడితే ప్రతిరోజూ జరుగుతున్న రోడ్డు ప్రమాదాల్లో మరణాలను అరికట్టవచ్చని విద్యార్థి అరుణ్ చెబుతున్నాడు.
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment