భారత్ వర్సెస్ న్యూజిలాండ్ టీ20 ప్రపంచకప్ సెమీఫైనల్స్‌లో ఓడిన తర్వాత టీమ్ ఇండియా తన తదుపరి పర్యటనకు బయలుదేరింది. టీమిండియా న్యూజిలాండ్‌లో పర్యటించనుంది. ఈ పర్యటనలో ఇరు జట్ల మధ్య 3 మ్యాచ్‌ల టీ20, మూడు వన్డేల సిరీస్‌లు జరగనున్నాయి. టీ20 సిరీస్‌కు హార్దిక్ పాండ్యా కెప్టెన్‌గా ఎంపికయ్యాడు. టీ20 ప్రపంచ కప్ 2022 నుంచి జట్టు నిష్క్రమణ తర్వాత ఓ ఫొటో తెరపైకి వచ్చింది. అందులో జట్టులోని కొంతమంది ఆటగాళ్లు విమానాశ్రయంలో నేలపైనే నిద్రిస్తున్నట్లు కనిపించారు. ఈ ఫొటోలో సూర్యకుమార్ యాదవ్, రిషబ్ పంత్, యుజ్వేంద్ర చాహల్ ఉన్నారు. ముగ్గురూ ఒకరి సపోర్టుతో ఒకరు నిద్రపోతున్నారు. సూర్య గోడకు ఆనుకుని ఉన్నాడు. రిషబ్ పంత్ సూర్య కాలు మీద తల ఉంచి, చాహల్ పంత్ మీద తల పెట్టి నిద్రిస్తున్నాడు. యుజ్వేంద్ర చాహల్ భార్య ధనశ్రీ వర్మ ఈ ఫోటోను తన ఇన్‌స్టాగ్రామ్ స్టోరీలో షేర్ చేసింది. నవంబర్ 18 శుక్రవారం నుంచి టీ20 సిరీస్ ప్రారంభం కానుంది. అదే సమయంలో, సిరీస్‌లోని రెండవ మ్యాచ్ నవంబర్ 20, ఆదివారం, చివరి మ్యాచ్ నవంబర్ 22న మంగళవారం జరుగుతుంది. ఆ తర్వాత నవంబర్ 25 శుక్రవారం నుంచి వన్డే సిరీస్ ప్రారంభం కానుంది. వన్డే సిరీస్‌లోనూ మొత్తం మూడు మ్యాచ్‌లు జరగనున్నాయి. ఈ మూడు మ్యాచ్‌లు వరుసగా నవంబర్ 25, 27, 30 తేదీల్లో జరుగుతాయి. వన్డే సిరీస్‌కు శిఖర్ ధావన్ కెప్టెన్‌గా వ్యవహరించనున్నాడు. ఈ మొత్తం పర్యటనలో టీమిండియా రెగ్యులర్ కెప్టెన్ రోహిత్ శర్మ, మాజీ కెప్టెన్ విరాట్ కోహ్లీ, ఆర్ అశ్విన్ వంటి ఆటగాళ్లకు విశ్రాంతి కల్పించారు.
