వాస్తు శాస్త్ర నిపుణుడిగా మహారాష్ట్ర, కర్ణాటకలో ప్రసిద్ధి చెందిన చంద్రశేఖర్ గురూజీ దారుణ హత్యకు గురయ్యారు. కర్ణాటక హుబ్బళిలోని ఓ హోటల్ రిసెప్షన్లో ఆగంతుకులు ఆయన్ను కిరాతకంగా పలు మార్లు కత్తితో పొడిచి చంపారు. హత్య ఘటన సీసీటీవీ కెమెరాల్లో రికార్డయ్యాయి. కొందరు ఆగంతకులు చంద్రశేఖర్ ఉంటున్న హోటల్కు వచ్చి లాబీలోకి రావాలని పిలిచారు. చంద్రశేఖర్ రాగానే ఓ వ్యక్తి నమస్కారం పెట్టి వెంటనే కత్తితో పొడవడం ప్రారంభించాడు. తీవ్ర గాయాలు కావడం వల్ల చంద్రశేఖర్ను ఆస్పత్రికి తరలించేసరికే చనిపోయారు. విషయం తెలిసిన వెంటనే హుబ్బళి పోలీస్ కమిషనర్ లాభూ రామ్ ఘటనా స్థలానికి వెళ్లి, స్వయంగా దర్యాప్తు చేపట్టారు. నిందితుల కోసం పోలీసులు విస్తృతంగా గాలిస్తున్నారు.
