ఢిల్లీలో ఐదు నెలలు పాటు భారీ వాహనాలు, ట్రక్కులపై నిషేధం

అక్టోబర్ 2022 నుండి ఫిబ్రవరి 2023 వరకు దేశ రాజధానిలో ట్రక్కులు మరియు ఇతర మధ్యస్థ మరియు భారీ వాహనాల ప్రవేశాన్ని ఢిల్లీ ప్రభుత్వం గురువారం నిషేధించింది. ఎలాంటి ట్రక్కులను నగరంలోకి అనుమతించబోమని ఢిల్లీ ప్రభుత్వం ఒక ప్రకటనలో తెలిపింది. సాధారణంగా, రాష్ట్రం నవంబర్ లేదా డిసెంబర్‌లలో 15-20 రోజులు మాత్రమే ట్రక్కులు మరియు మినీ టెంపోల వంటి వాహనాల ప్రవేశాన్ని నిషేధిస్తుంది. కానీ ఈ సారి ఏకంగా ఐదు నెలల పాటు నిషేధం విధించింది. గత కొన్ని సంవత్సరాల నుంచి చలికాలంలో ఢిల్లీలో గాలి నాణ్యత పూర్తిగా పడిపోతున్న నేపథ్యంలో ఢిల్లీ సర్కారు ఈ నిర్ణయం తీసుకుంది. దాదాపు 70,000 నుండి 80,000 ట్రక్కులు ఈ సీజన్లో ఢిల్లీలోకి ప్రవేశిస్తున్నాయి. నగరంలోకి అనుమతించబడే వాహనాలలో సీఎన్జీ తో నడిచే వాణిజ్య వాహనాలు ఉన్నాయి . కూరగాయలు, పండ్లు, ధాన్యాలు, గుడ్లు, మంచు, పాలు మరియు ఇతర ఆహార పదార్థాలు వంటి అవసరమైన వస్తువులను తీసుకువెళ్లే అన్ని ట్రక్కులు, మరియు పెట్రోలియం ఉత్పత్తులను రవాణా చేసే ట్యాంకర్లు ఢిల్లీ లోకి వస్తున్నాయి . అయితే గాలి కాలుష్యాన్ని తగ్గించడం కోసమే భారీ వాహనాలు ట్రక్కుల పై నిషేధం విధిస్తున్నట్లు ఢిల్లీ సర్కారు ప్రకటించింది.