ఈ నెల 31వ తేదీ వరకు తెలంగాణ రాష్ట్రంలో కరోనా ఆంక్షలను పొడిగిస్తున్నట్టు గురువారం ప్రభుత్వం ఉత్తర్వుల్లో పేర్కొంది. ఈ నెలాఖరు వరకు సభలు, సమావేశాలు, ర్యాలీలు, రాజకీయ, సాంస్కృతిక, మతపరమైన కార్యక్రమాలపై నిషేధం విధించింది. కరోనా కట్టడిలో భాగంగా నిబంధనలను కఠినతరం చేస్తున్నట్టు ఉత్తర్వులు జారీ చేసింది. ప్రతి ఒక్కరు మాస్క్ ధరించడంతో పాటు భౌతిక దూరం పాటించాలని సూచించింది. రాష్ట్ర వ్యాప్తంగా మరోసారి ఫీవర్ సర్వే అమలు చేసి జ్వర లక్షణాలు ఉన్న వారిని గుర్తించి మెడికల్‌ కిట్లు పంపిణీ చేయనున్నట్టు ఆరోగ్యశాఖ మంత్రి హారీశ్ రావు తెలిపారు.
