పోస్ట్ ఆఫీస్ ఫ్రాంచైజీ ద్వారా మీరు డబ్బులు సంపాదించవచ్చు. ప్రస్తుతం దేశంలో దాదాపు 1.55 లక్షల పోస్టాఫీసులు ఉన్నప్పటికీ ఇప్పటికీ అన్ని చోట్లా పోస్టాఫీసులు లేవు. దీన్ని దృష్టిలో ఉంచుకుని ఇండియన్‌ పోస్టాఫీసు ఫ్రాంచైజీలను ఇస్తుంది. పోస్టాఫీసు అందించే రెండు రకాల ఫ్రాంచైజీలు ఉన్నాయి. మొదటిది ఫ్రాంచైజ్ అవుట్‌లెట్, రెండవది పోస్టల్ ఏజెంట్ల ఫ్రాంచైజీ. మీరు ఈ ఫ్రాంచైజీలలో దేనినైనా తీసుకోవచ్చు. పట్టణ, గ్రామీణ ప్రాంతాల్లో పోస్టల్ స్టాంపులు, స్టేషనరీని ఇంటింటికీ రవాణా చేసే ఏజెంట్లను పోస్టల్ ఏజెంట్లు అంటారు. ఫ్రాంచైజీని పొందడానికి కేవలం రూ. 5000 మాత్రమే ఖర్చు చేయాల్సి ఉంటుంది. మీరు ఫ్రాంచైజీని పొందిన తర్వాత కమీషన్ ద్వారా సంపాదించవచ్చు. మీరు ఎంత సంపాదించవచ్చు అనేది మీ పనిపై ఆధారపడి ఉంటుంది. ఫ్రాంచైజీని తీసుకునే వ్యక్తి వయస్సు18 సంవత్సరాల కంటే ఎక్కువ ఉండాలి, భారతీయ పౌరులు ఎవరైనా పోస్టాఫీసు ఫ్రాంచైజీని తీసుకోవచ్చు, ఫ్రాంచైజీని తీసుకునే వ్యక్తి తప్పనిసరిగా గుర్తింపు పొందిన పాఠశాల నుంచి 8వ తరగతి పాస్ సర్టిఫికేట్ కలిగి ఉండాలి, ఫ్రాంచైజీ కోసం దరఖాస్తు చేయడానికి మొదట చేయవలసింది ఫారమ్‌ను పూరించి, దానిని సమర్పించడం, ఎంపిక పూర్తయినప్పుడు తప్పనిసరిగా ఇండియా పోస్ట్‌తో ఒక అవగాహన ఒప్పందంపై సంతకం చేయాల్సి ఉంటుంది.
