మనం పాటించే పద్ధతులు, జీవన విధానం బట్టి ఆరోగ్యం బాగుంటుంది. ఆరోగ్యంగా ఉండాలంటే తప్పకుండా మంచి అలవాట్లను పాటించాలి. అనారోగ్యానికి కారణాలను చూద్దాం :
నిద్ర లేమి : కొన్నిసార్లు పని వత్తిడి వల్లనో, ఇతర సమస్యల వల్లనో నిద్ర పట్టకుండా ఉంటుంది. ఇలా నిద్ర లేక పోవడం వల్ల ఆరోగ్యం పై తీవ్ర ప్రభావం చూపుతుందని నిపుణులు అంటున్నారు. నిద్ర ఉంటే రోగ నిరోధక శక్తి బాగుంటుంది. అదే విధంగా రెస్పిరేటరీ మరియు డైజెస్టివ్ సిస్టం బాగుంటుందని నిపుణులు అంటున్నారు.
జంతువుల నుండి వచ్చే ప్రోటీన్స్ తీసుకోవడం: ఎక్కువ జంతువుల నుండి వచ్చే ప్రొటీన్లు తీసుకోవడం వల్ల సమస్యలు వస్తాయని నిపుణులు అంటున్నారు. దీని వల్ల క్యాన్సర్ కూడా వస్తుందని అంటున్నారు. కాబట్టి వీలైనంత వరకు వాటిని తగ్గించడం మంచిది.
ఎక్కువ సేపు కూర్చోవడం: ఒకే దగ్గర ఎక్కువ సేపు కూర్చోవడం వల్ల కూడా అనారోగ్య సమస్యలు వస్తాయి. చాలా మంది ఎక్కువ సేపు ఒకే దగ్గర కూర్చోవడం వలన ఇబ్బందులు పడుతుంటారు. వీలైనంత వరకు గ్యాప్ తీసుకుని కూర్చోవడం మంచిది.
ఒంటరిగా ఉండటం: ఒంటరిగా ఉండడం వల్ల సమస్య ఎక్కువైపోతుంది. ముఖ్యంగా హృదయ సంబంధిత సమస్యలు ఎక్కువ అవుతాయి. అలాగే ఎంగ్జైటీ వంటివి కూడా వస్తూ ఉంటాయి. కాబట్టి మంచి స్నేహితులతో సమయాన్ని గడపడం మంచిది.
