* దరిద్రుడి పెళ్ళికి వడగళ్ళ వాన !
* దంచలేనమ్మ ఊదూది చూచిందట !
* దాహం వేసినపుడే, బావి తవ్వుకున్నట్లు !
* దంచేదొకరైతే ప్రక్కలెగరేసే వాడింకొకడు !
* దండుగలో దండుగ !
* దంపినమ్మకు బొక్కిందే దక్కుడు !
* దంపుళ్ళ పాటకు దరిద్రం లేదు !
* దగ్గర వాళ్ళకే నిక్కు లెక్కువ !
* దగ్గూ, గజ్జీ దాచినా దాగవు !
* దడియం గురువుకు మణుగు శిష్యుడు !
* దత్తత మీద ప్రేమా? దాయాది మీద ప్రేమా?
* దమ్మిడీ ఆదాయం లేదు క్షణం తీరికలేదు !
* దమ్మిడీ పెళ్ళికి ఏగానీ ఖర్చు !
* దయ్యాలతో చెలిమి చేసినట్లు !
* దరిద్రానికి మాటలు హెచ్చు - తద్దినానికి కూరలు హెచ్చు !
