చిలగడదుంపలో ఫైబర్, ప్రోటీన్తో సహా అనేక పోషకాలు ఉన్నాయి. పొటాషియం, ఐరన్, వంటి విటమిన్లు ఎన్నో రోగాలను దరిచేరకుండా చేస్తాయి. బలహీనమైన కంటి చూపును బలోపేతం చేయడంలో చిలగడదుంప చాలా ప్రయోజనకరంగా ఉంటుంది. దీనిలో బీటా కెరోటిన్ ఉంటుంది. ఇది మెరుగైన కంటిచూపు, కంటి సంబంధిత వ్యాధులను నయం చేయడానికి సహాయపడుతుంది. దీనిలో పొటాషియం పుష్కలంగా ఉంటుంది. ఇది రక్తపోటును నియంత్రించడంలో ప్రభావవంతంగా పనిచేస్తుంది. హైపర్టెన్సివ్ రోగులు తమ ఆహారంలో చిలగడదుంపలను చేర్చుకోవాలి. పొటాషియం గుండెను ఆరోగ్యంగా ఉంచడానికి చాలా ఉపయోగకరంగా ఉంటుంది. దీనిని తీసుకోవడం వల్ల గుండెపోటుతో సహా గుండె జబ్బుల ప్రమాదాన్ని కూడా తగ్గిస్తుంది. ఐరన్, ఫోలేట్, విటమిన్ డి పుష్కలంగా ఉంటాయి. ఇవి శరీరానికి చాలా మేలు చేస్తాయి. ఎముకలు ఆరోగ్యంగా, దృఢంగా ఉండాలంటే, చిలగడదుంపలను క్రమం తప్పకుండా తీసుకోవాలి. చిలగడదుంపను ప్రతిరోజూ తినడం వల్ల శరీరాన్ని కాలానుగుణ వ్యాధుల నుండి దూరంగా ఉంచుతుంది. రోగనిరోధక శక్తిని బలపరుస్తుంది. ఊబకాయంతో బాధపడేవారికి చిలగడదుంప తీసుకోవడం ఎంతగానో ఉపకరిస్తుంది. దీనిని తీసుకోవడం వల్ల కడుపు నిండుగా ఉండడంతో పాటు ఆకలి వేయదు.
చిలగడదుంప - ఆరోగ్య ప్రయోజనాలు !
December 12, 2023
0
Tags